Saltar o menú de navegación e ir ao contido
Integramos a variable ambiental no quefacer cotián da nosa empresa: tomamos decisións e xestionamos a actividade empresarial seguindo o criterio básico de respecto ao medio. Todo iso reflíctese no noso ECOPLAN, que aglutina as nosas principais accións e que involucra a traballadores, provedores e clientes.
Cómpre salientar o proxecto e+5, orientado a sensibilizar os nosos provedores de produtos sobre a importancia da xestión ambiental. O 92% dos provedores das nosas marcas están clasificados seguindo criterios ambientais.
Mediante o Foro de Transporte Verde implantamos medidas para minimizar as emisións contaminantes do transporte de mercadorías de EROSKI. As súas principais liñas de actuación son o uso de aditivos e de biodiésel.
Esforzámonos nunha axeitada xestión de residuos das nosas tendas e no control da cantidade de embalaxe que incorpora o noso produto de marca propia. Un exemplo é a eliminación do colorante nas bolsas 'camiseta', o que nos permitiu aforrar máis de 63.000 quilogramos de polietileno e 75.600 quilogramos de colorante nun ano.
Contamos con cursos orientados a sensibilizar os traballadores de EROSKI sobre o impacto ambiental de cada posto de traballo, xa sexa nas nosas tendas, na nosa estrutura loxística ou na nosa central de compras.
Entre as iniciativas ambientais impulsadas dende FUNDACIÓN EROSKI destacan as orientadas a sensibilizar aos consumidores, que participan masivamente en cada unha delas, e que ademais amosan nos encontros que mantemos habitualmente con eles unha clara preocupación polo medio natural.
Tamén en EROSKI.es
