10 / Sen azucre

Non só sen azucre

O principal motivo -aínda que pode haber outros- que fai que debamos levar unha dieta na que controlemos a presenza de azucre é a diabete. Na actualidade existe unha ampla oferta de produtos que fan que a alimentación sen azucre sexa máis variada.

Infórmate de cales son os alimentos que máis che conveñen. Repasamos algúns hábitos sinxelos como repartir as comidas ata en seis tomas, respectar os horarios ou comer de forma moderada, que poden axudar a previr a diabete.

Cando o risco de diabete aparece

Unha dieta equilibrada con cantidades moderadas de azucre ou sen azucre engadido, que cubra as nosas necesidades de enerxía, sumado á práctica de exercicio físico, son claves para controlala.

A diabete é unha das enfermidades máis frecuentes na actualidade. Evitar o sedentarismo e os excesos alimentarios é tan importante como o tratamento médico que cómpre seguir. Os obxectivos da alimentación na diabete son:

Produtos ‘sen azucre’

‘Tolerados por diabéticos’, ‘sen azucre engadido’, ‘especiais’... varias son as denominacións dos alimentos sen azucre. Descubre en que consisten.

A alimentación do diabético non require necesariamente da adquisición de produtos especiais, nin tampouco dun orzamento superior. Os produtos habituais poden ser suficientes para el, pero convén coñecer a oferta de produtos dietéticos.

Nos produtos sen azucre este substitúese por edulcorantes con menor poder hiperglicemiante (frutosa) ou sen poder hiperglicemiante (sacarina, aspartamo, sorbitol, etc.), ou rebaixouse a proporción de amidóns.

As diferentes denominacións que encabezan estes produtos poden ser: “tolerado por diabéticos”, “sen azucre engadido”, “especial para diabéticos”, “axeitado para diabéticos”.

Ningún destes enunciados é suficiente e aconséllase ler sempre a información nutricional da etiquetaxe. O Semáforo Nutricional de ER OSKI axúdache.

Dedícalle tempo á comida

A distribución das comidas en seis tomas, respectar o horario das comidas e dedicalo o tempo necesario pódeche axudar.

Varios son os xestos e hábitos que poden axudarche a controlar o teu nivel de azucre:

• É aconsellable distribuír as comidas entre 3 e 6 tomas: almorzo, refrixerio a media mañá, comida, merenda, cea e resopón.
• É importante respectar os horarios das comidas, dedicarlles tempo.
• Ponlle especial atención á achega de hidratos de carbono. Atópanse nos seguintes alimentos: leite, farináceos (cereais e derivados, pataca, batata, etc.), legume, froita e verduras. Actualmente, considérase que o diabético debe inxerir alimentos ricos en carbohidratos complexos e fibra.
• Nalgunhas situacións, o consumo de azucre é obrigatorio, por exemplo cando é preciso corrixir unha hipoglicemia. E cómpre tratar de previr esta durante un esforzo ou actividade física máis prolongada e/ou de grande intensidade.

Sigue a pirámide da alimentación

Se queres conseguir unha alimentación equilibrada, variada e adaptada ás túas necesidades sigue os consellos da pirámide da alimentación.

En todas as etapas do ciclo vital é importante que a alimentación sexa saudable: suficiente en enerxía e nutrientes; equilibrada, nas proporcións recomendadas de nutrientes; variada, que inclúa os grupos de alimentos básicos e adaptada ás características fisiolóxicas de cada persoa.

O segredo está en realizar unha alimentación variada, pero sen caer nos excesos. Por iso, aconséllase procurar unha inxestión de alimentos de todos os grupos para unha axeitada achega de enerxía e nutrientes na proporción da pirámide nutricional.

Entre os alimentos que han de parecer na alimentación habitual atópanse as froitas e verduras, os cereais, o aceite de oliva, o peixe e os froitos secos, entre outros.

Decálogo de hábitos saudables

Presentámosche as claves dunha alimentación sen azucre en dez pasos.

• Os hidratos de carbono complexos e a fibra deben estar presentes en todas as comidas que fagas ata proporcionar polo menos o 50% de todas as calorías requiridas.
• Convén que utilices edulcorantes acalóricos en lugar de azucre.
• Inclúe os lácteos desnatados na túa alimentación.
• Come máis peixe que carne.
• Toma froita fresca con pel, ben acompañada doutros alimentos, ben como sobremesa.
• Toma fibra de xeito regular (cereais integrais, legumes, froitos secos, verduras e froitas) é moi beneficiosa para o teu organismo.
• Utiliza aceite de oliva tanto para cociñar coma para aliñar.
• É recomendable tomar froitos secos habitualmente e en pequenas cantidades.
• A bebida principal debe ser a auga, con ou sen gas.
• Practica exercicio cada día: camiña, sube escaleiras, corre, nada, etc.

Un menú feito á túa medida

En www.consumer.es tes máis de 1.000 receitas indicadas para casos de diabete. E 47 receitas distintas como sobremesa.

A continuación presentámosche un menú apto para diabéticos de 2000 kcal. Incluímos alimentos desnatados e integrais, sen renunciar a outro tipo de alimentos como a pasta, a verdura ou a froita.

O que necesitas para o teu menú

ER OSKI é especialista en alimentos frescos. Atoparás a punto cada día a peixería, a froitería e a carnicería cos mellores sistemas de trazabilidade de produto. Os produtos marca ER OSKI teñen unha óptima relación calidade-prezo e supoñen un aforro de máis dun 20% respecto a produtos equivalentes doutras marcas. Ademais, aproveita as súas promocións, como as ofertas 3 x 2.