Saltar o menú de navegación e ir ao contido
EROSKI recibiu o premio NAOS que outorga a Axencia Española de Seguridade Alimentaria, que depende do Ministerio de Sanidade e Consumo.
Os principais expertos en nutrición participan nesta campaña
Durante esta etapa, a alimentación é
clave para o seu crecemento. Desde o
almorzo, que é a primeira comida do día
e por iso a máis importante, ata a cea. En
total, é aconsellable que realice 5 inxestións,
como verás nos menús que che
propoñemos.
A froita, a verdura e os lácteos, ademais dunha boa hidratación, nunca deben faltar na súa dieta. Un consello: varía as formas e texturas nos seus menús, seguro que o aprecian. A clave: que a achega que reciben sexa proporcional ao exercicio físico que realizan.
Nesta etapa é necesario apoiar o crecemento. A alimentación variada e equilibrada é clave na casa e na escola. Descubre por que.
A idade escolar é unha etapa da vida caracterizada por un crecemento continuo (de 5 a 6 cm por ano) e na que hai un aumento de peso aproximado de 2 kg anual durante os primeiros anos, e de 4 a 4,5 kg preto da puberdade. Ao mesmo tempo, prodúcese un aumento progresivo da actividade intelectual e un maior gasto calorífico pola práctica deportiva e dos seus xogos preferidos, polo que as racións aumentan.
Unha boa alimentación nesta etapa da vida caracterízase por:
Comer en familia é a mellor forma de educar para adquirir hábitos saudables que repercuten no comportamento nutricional e a saúde a curto, medio e longo prazo.
É a primeira comida do día e a máis importante e debería incluír un lácteo, unha froita e un farináceo.
O almorzo é unha das comidas principais, porque é a primeira e rompe o xaxún de 10-12 horas. O almorzo debe achegar un 30% da enerxía necesaria para todo o día, polo que se non se realiza dificilmente se cubrirán as achegas de nutrientes necesarios.
Un bo almorzo axuda a conseguir as doses axeitadas da maior parte dos nutrientes que o organismo precisa ao longo do día.
Os nenos e mozos que almorzan ben teñen unha alimentación menos graxa, e máis rica en fibra, vitaminas e minerais.
Na etapa escolar aconséllase comer alimentos de todos os grupos e conseguir así unha axeitada achega de enerxía e nutrientes.
Infórmate, a través da pirámide da alimentación adaptada á súa idade, como debe ser a súa alimentación.
Os alimentos da base da pirámide son os que deben constituír o piar da alimentación diaria, e a medida que se ascende atópanse os alimentos que teñen que aparecer con menos frecuencia na alimentación habitual.
En xeral, recoméndase unha repartición dos alimentos en cinco comidas diarias, tres delas principais: almorzo, comida e cea e dúas complementarias: unha a media mañá e outra a media tarde (merenda).
Os froitos secos achéganlle a enerxía que necesita nesta etapa da súa vida. Noces, améndoas, abelás... todo nun mesmo cóctel, ao natural e sen sal.
> Interpretación de la pirámide nutricional
En www.consumer.es atopas menús infantís semanais para todo o ano, con máis de 2.000 receitas infantís distintas para nenos de 4 a 12 anos.
Leite de vaca con cereais de almorzo. Plátano.
1 boliño pequeno con aceite de oliva e xamón.
Lentellas con verduras e arroz. Tortilla francesa con ensalada. Rodelas de laranxa con amorodos. Pan e auga.
Pan con aceite de oliva e queixo. Pera.
Feixóns verdes con patacas e aceite de oliva. Salmón á prancha con tomate aliñado. Iogur.
Leite de vaca con cereais de almorzo. Torradas con queixo fresco e marmelada. Zume de laranxa.
Bocadillo de xamón con aceite de oliva. Mazá.
Garavanzos con espinacas. Sepia á prancha con ensalada. Mandarina. Pan e auga.
Pan con tomate, queixo e aceite de oliva.
Sopa de fideos. Hamburguesa pequena á prancha con tomate ao forno. Pera. Pan e auga.
EROSKI é especialista en alimentos frescos. Atoparás a punto cada día a froitería, chacinería, peixería e a carnicería cos mellores sistemas de trazabilidade de produto. Os produtos marca EROSKI teñen unha óptima relación calidade-prezo e supoñen un 20% de aforro respecto a produtos equivalentes doutras marcas. Ademais, teñen cabida en promocións, como as ofertas 3 x 2.
Están en plena etapa de crecemento e necesitan lácteos para fortalecer os seus ósos. Mellor de forma divertida, cos iogures de sabor e con froitas de EROSKI.
Engade aos teus pratos o sabor e aroma tirando a doce da piña. E non a deixes só para a sobremesa: é o complemento perfecto para as túas ensaladas.
Rico en proteínas e de fácil dixestión, o ovo é un dos básicos da túa dieta. Os máis pequenos son os máis saborosos e nutritivos.
Aínda que non teñas moito tempo de cociñar, non renuncies a incluír a verdura no seu menú. Os pratos preparados EROSKI Listo! Están elaborados con ingredientes naturais e aceite de oliva.
fantís con vexetais fan que os teus pratos sexan máis atractivos.
Os paíños de surimi EROSKI son outro xeito alternativo de comer peixe. Achégalles proteínas, ideal para a súa etapa de crecemento.
Podes dispoñer de pan acabado de facer en calquera momento para os seus bocadillos co Pan preenfornado EROSKI.
A gama de froitos secos de EROSKI é variada, tamén inclúe produtos sen glute, como os pistachos torrados.
A carne de ave é nutritiva, saborosa e moi fácil de dixerir. En EROSKI atópala en varios formatos: enteira, fileteada ou en envase 'aforro', listo para conxelar.
A base de froitas de vermellas: amorodos, framboesas, grosellas e mesmo cereixas.
Ademais de optar por unha dieta variada, presenta as receitas de forma atractiva. Guíate polas cores da froita, a verdura... seguro que os sorprenderás.
A comida, ademais de estar rica, debe parecelo. Para mellorar a aceptación dos diferentes alimentos é importante ter en conta o compoñente sensorial.
Por iso, aconsellámosche variar as formas de presentación e técnicas culinarias dos pratos potenciando as súas propiedades: cores, sabores, olores, texturas, tamaño, temperatura (ensaladas frías ou temperadas en verán e sopas quentes ou frías), etc.
O mellor é optar primeiro polas técnicas culinarias sinxelas que requiren pouca graxa: vapor, fervido, cocido, forno, prancha, refogados, etc.
Manuel Moñino
Secretario Comité Científico de '5 al día'
O consumo de froitas e verduras é investir en saúde
O consumo diario de 5 racións entre froitas e hortalizas axuda a cubrir as necesidades nutricionais que esixe o crecemento e o desenvolvemento de nenos e mozos, ademais de achegar substancias protectoras fronte a enfermidades crónicas como a obesidade ou a diabete, entre outras. Son alimentos de baixa densidade enerxética e alto contido en nutrientes, por iso o seu consumo é un grande investimento para a saúde de todos, especialmente na idade escolar pois promove a adquisición de hábitos alimentarios saudables que melloran a calidade e esperanza de vida na idade adulta.
Dámosche consellos para que a súa alimentación se adapte ás súas necesidades diarias de nutrientes.
