Saltar o menú de navegación e ir ao contido
EROSKI recibiu o premio NAOS que outorga a Axencia Española de Seguridade Alimentaria, que depende do Ministerio de Sanidade e Consumo.
Os principais expertos en nutrición participan nesta campaña
A Dieta Mediterránea é un dos modelos
alimentarios máis saudables do mundo.
Segundo evidencia a ciencia, os mediterráneos
conseguiron, a través dos séculos,
configurar un modelo alimentario excelente
para a saúde.
A Dieta Mediterránea é unha rica herdanza cultural que, a partir da simplicidade e a variedade, creou unha combinación equilibrada e completa de alimentos en perfecta sintonía co pracer da mesa.
> Interpretación de la pirámide nutricional
As principais características da Dieta Mediterránea son:
Recoméndase o consumo de arroz, pan e pasta de 4 a 6 porcións por día.O pan e os alimentos procedentes de cereais (pasta, arroz e os seus produtos integrais) deberían formar parte da alimentación diaria.
O consumo diario de pasta, arroz e cereais en xeral é imprescindible pola súa composición rica en carbohidratos. Achégannos unha parte importante de enerxía necesaria para as nosas actividades diarias.
O contido en minerais (ferro, calcio, magnesio, fósforo, manganeso, potasio, cinc, cobre, cobalto e sodio), vitaminas do grupo B e fibras varía segundo o grao de refinamento do cereal, sendo máis elevada a concentración destas substancias canto máis integrais sexan os alimentos.
Os principais beneficios da fibra son o aumento da sensación de saciedade e unha mellora do tránsito intestinal.
A fibra, a través da súa fermentación no intestino, produce unhas substancias que axudan a protexer as nosas defensas.
O consumo de froitas, verduras e hortalizas constitúe a principal fonte de vitaminas, minerais e fibras da nosa dieta.
Este grupo de alimentos achéganos tamén unha gran cantidade de auga. O seu consumo é importante polas súas propiedades reguladores, que contribúen ao bo funcionamento do organismo, o que xustifica o seu consumo diario.
A maioría de verduras e hortalizas achegan potasio, magnesio e ferro. Son ricas en antioxidantes como a vitamina C, a provitamina A, o cinc, o selenio e flavonoides. As verduras son a principal fonte de ácido fólico para o organismo, concretamente son moi ricas nesta vitamina as de cor verde.
Recoméndase buscar variedade de cor, xa que se vai traducir en diferentes tipos de nutrientes e antioxidantes.
A froita fresca tería que ser a sobremesa habitual. Tamén é unha opción moi saudable para a media mañá e a merenda.
Son unha boa fonte de carotenos (especialmente as de cor intensa; verde, laranxa e vermella) e vitamina C.
Achegan igual que as verduras un conxunto de substancias bioactivas con acción antioxidante polo que interveñen de forma directa na saúde.
Existe unha gran variedade de froitas variadas moi recomendable, tendo especial interese a froita fresca de tempada (preferiblemente fresca e enteira).
Recoméndase consumir 5 porcións de froitas, verduras e hortalizas: 3 porcións de froita e 2 de verdura. Unha destas froitas tería que ser rica en vitamina C (laranxas, kiwis, amorodos, mandarinas, pomelos, etc.) e unha das porcións de verdura en forma crúa (e.j. ensalada, gaspacho, etc.).
É o aceite máis utilizado na cociña mediterránea. É un alimento rico en vitamina E, beta-carotenos e un tipo de graxa vexetal monoinsaturada (ácido oleico) que lle confire propiedades cardioprotectoras. Pódense atopar varios tipos de aceite de oliva:
É recomendable utilizar de xeito habitual o aceite de oliva, tanto para cociñar como para aliñar.
Consume produtos lácteos a diario, principalmente iogur e queixos. Son fonte de proteínas de alto valor biolóxico, minerais e vitaminas.
Os lácteos son necesarios en calquera etapa da vida aínda que o seu consumo é esencial en etapas nas que os requirimentos son máis elevados (durante a infancia e a adolescencia, o embarazo, a lactación ou a menopausa).
O queixo contén os mesmos nutrientes que o leite pero en maior proporción debido a que é un alimento concentrado, que ten menor proporción de auga. Todos presentan unha gran riqueza en proteínas, calcio, sodio e vitaminas A e D.
Existe unha gran variedade de queixos segundo o leite de orixe, o contido en auga, os microorganismos característicos involucrados na súa maduración, o tratamento térmico, a porcentaxe de graxa, etc.
Elixe os queixos menos graxos (frescos e pouco curados) para un consumo frecuente e reserva os queixos fortes para un consumo esporádico.
O iogur proporciona á dieta elevadas cantidades de proteínas, calcio; riboflavinas, vitamina B12, niacina, cinc, tiamina, ácido fólico. Estes nutrientes teñen unha gran biodispoñibilidade.
O valor nutritivo do iogur natural é equivalente ao do leite, aínda que ten menos lactosa. Hai leites fermentados cun tipo determinado de microorganismos vivos como poden ser bifidobactérias as cales poden favorecer o equilibrio da flora intestinal e así reforzaren as defensas. Estes produtos denomínanse probióticos.
No mercado existen múltiples variedades, o seu valor enerxético final variará en función da graxa que se lle incorporase ou extraese e dos ingredientes que se lle engadisen.
Estes alimentos teñen unha mesma frecuencia de consumo.
Hai toda unha serie de alimentos que, aínda que se consomen amplamente, se consideran nutricionalmente superfluos: azucre, mel, galletas, pasteis, bolos, cacao, chocolate, caramelos, bebidas refrescantes, produtos de orixe animal con elevado contido en graxa e bebidas estimulantes e alcohólicas.
ANNA BACH
Coordinadora científica
Fundación Dieta Mediterránea
Dieta Mediterránea, unha saborosa herdanza cultural
A Dieta Mediterránea é unha rica herdanza cultural que resultou unha combinación equilibrada, variada e completa de alimentos, compatible co pracer da mesa. Caracterízase pola variedade de vexetais e o seu elevado consumo por riba dos alimentos de orixe animal; a súa riqueza vitamínica e a alta presenza de graxas de boa calidade, a través do aceite de oliva, o peixe ou os froitos secos. A Dieta Mediterránea non é só un modelo alimentario avalado pola ciencia moderna, senón que representa un estilo de vida: incorpora a actividade física a diario, a socialización nas comidas, o descanso en forma de sesta, etc. Máis información en www.fdmed.org
EROSKI é especialista en alimentos frescos. Atoparás a punto cada día a peixería, a froitería e a carnicería cos mellores sistemas de trazabilidade de produto. Os produtos marca EROSKI teñen unha óptima relación calidadeprezo e supoñen un 20% respecto a produtos equivalentes doutras marcas. Ademais, teñen cabida en promocións, como as ofertas 3 x 2.
O arroz é o rei dos cereais, pola súa versatilidade na cociña e polo seu alto contido en minerais. En EROSKI atópalo tamén con Denominación de Orixe.
Os espárragos teñen unha alta porcentaxe de antioxidantes. E os verdes, en maior cantidade que os brancos. En EROSKI telos en conserva, fáciles de degustar.
É un dos imprescindibles da Dieta Mediterránea, a faba vermella e branca é un alimento rico en fibra e ferro.
O pan é o complemento do teu menú diario, e se é integral, axúdache a controlar o teu peso. Con soia, branco, sen glute, preenfornado... xa en EROSKI.
Fresco, en lascas, en porcións, enteiro... o queixo pode chegar a cubrir o 65% das necesidades de calcio do organismo.
Rico en calcio e en proteínas. O iogur é un fixo na túa dieta. De sabores, con froitas, light, bífidus... a gama dispoñible en EROSKI é ampla.
É fácil de dixerir, e fervida, ao vapor, refogada con pouco aceite ou en puré, é un vexetal moi saudable. É de Eroski NATUR.
En anacos, enteiro, en coxas, alas, peitugas... o polo Eroski NATUR ofréceche calidade, frescura e sabor.
É un dos alimentos estrela da Dieta Mediterránea, aprovéitate de todos os seus beneficios.
Consumido con moderación, o xamón serrano achega proteínas e vitaminas, con ácidos graxos insaturados, moi bos para o corazón.