Plan familias 0·12

(sin título)

Zer da esnearen igoera eta nola arindu ditzaket bere sintomak zailtasunak edo mina badut?

Esnearen igoera ez du eragiten bularretan atxikitako esneak, baizik eta bularretako baskularizazioan hazkunde nabarmena egoten delako izaten da, hau da edema baskularra egoten delako, eta horrek eragiten du hiru egun inguruz edo bularra bero edukitzea, ne...urri handiagokoak izatea eta apur bat gogortuta izatea. Hori gertatzen da zure haurraren bigarren edo hirugarren egunaren inguruan. Hantura hori izateaz gain esnea sortzen bada, eta, arrazoiren bat dela medio, ez bada eraginkortasunez drainatzen, hantura patologiko edo pletora bat gertatzen da: harri bularrak. Mina garrantzitsua da, eta areola hain dago tenkatuta, haurrak ezin izaten diola ondo heldu. Erditze osteko edoskitze goiztiarra hasiz gero eta edoskitzearen oinarrizko hiru puntuak bete, hantura patologiko gehienei aurrea hartu dakieke:
- Edoskitze sarria eta mugarik gabea.
- Interferentziarik ez, hala nola txupeteak edo biberoiak.
- Posizio egokia.
Puntu horiek betetzeak ere ziurtatzen digu, igoera iristen den bitartean, gure haurtxoak nahikoa duela sortzen dugun oritzarekin. Hona hemen lagungarri izan zaitezkeen beste neurri batzuk: Ez jarri berorik bularra hartu aurretik (edema baskularra handitu eta egoera okertuko litzateke); drainatze linfatikoaren teknika erabili; aza hostoak erabili, eta, kasu batzuetan, esnea atera daiteke. Normala izan daiteke sukar pixka bat izatea, 38ºC baino gutxiago, eta normala da, halaber, igoerak irauten duen bitartean, bular bigunak sentitzea, baina minutu gutxira berriro gogor egotea. Mina eta sukar apur bat baduzu, zure medikuarekin kontsultatu dezakezu, hanturaren aurkako bat emateko. Denak dira bateragarriak amagandiko edoskitzearekin. Edonola ere, prozesuak hiru egun inguru irauten du, eta gero dena normaltasunera itzultzen da, berriz ere bular bigunak izango dituzu, eta zure haurtxoari bularra eman gabe ohi baino ordu gehiago pasatzen badituzu baino ez dira gogortuko.

(sin título)

Haurrarekin ohea partekatuz gero zer arreta izan behar dut?

Haurrarekin ohea partekatzeak aukera ematen dizu edoskitzea sustatzeko eta bat-bateko heriotzatik babesteko. Bikotea baduzu, erabakia elkarrekin hartzeko gomendatzen dizugu. Garrantzitsua da jakitea haurrarekin ohea partekatzeko modurik seguruena zure ohe...ari atxikitako sehaska dela, azalera laua eta irmoa duena. Zure haurrarekin sofa, butaka edo antzeko batean lo egitea saihestu behar duzu. Haurdunaldia une egokia da zuen ohea egokia ote den baloratzeko, eta atxikitako sehaska desberdinak ezagutzeko ere bai, zuentzat aukerarik onena zein den erabakitzeko. Dena den, ohe bera partekatzea ez da komenigarriena baldin eta zuk edo bikotekideak erretzen baduzue, alkohola, drogak edo botika lasaigarriak hartzen dituzue. Gaixotasunen bat baduzue edo muturreko nekeak jota esnatu ezin bazarete. Edo zure bikotekideaz gain beste pertsona edo animalia batzuek ohea partekatzen badute. Komeni zaizue jakitea zer neurri hartu ahal izango dituzuen ohea modu seguruan partekatzeko, informazio bilatu edota kontsultatu zure emagina edo medikuari.

(sin título)

Nola kendu diezaioket titia nire haurrari traumatikoa izan gabe?

Titia kentzeko garaia iritsi dela erabakitakoan, jarraibide lagungarri batzuk dituzu.
- Pixkanaka egitea gomendatzen dizugu. Hobe da eguneko hartualdi bat ordezkatzea eta esne artifiziala ematea edo, haurrak 6 hilabete baino gehiago baditu, zerbait solid...oa ematea. 2 edo 3 egun itxaron beharko duzu bigarren hartualdia ordezkatu baino lehen. Era horretan, mastitisa edo handitzea izateko arriskua gutxitu daiteke, eta baita bion eragin emozionalak txikitzekoa ere.
- Hobe duzu bularra ez eskaintzea, baina ukatu ere ezin diozu egin. Hartualdia atzeratzeko, distrakzioak erabil ditzakezu edo jarduera bat markatu, eta ondoren bularra eman. Eguneroko errutina batzuk aldatu beharko dituzu bularra gutxiago eska dezan. Agian, horrek ekar lezake etxetik kanpo jarduera gehiago egitea, distraitzeko edo, aitzitik, etxean gehiago egotea. Zuk baino hobeto inork ez du zure haurra ezagutzen.
- Bularra eskatzen duen momentuari aurrea har diezaiokezu, eta beste janari edo edari batzuk eskaini, gosea edo egarria txikitzeko.
- Zure bikotekidea edo beste zaintzaile bat inplikatu, ordezko elikagaia eman diezaion eta gauean altxa dadin bularra eskatzen duenean lo egiteko.
- Bularra eman ohi diozun leku fisikoa saihestu. Zenbait altzari tokiz alda ditzakezu beste errutina bat sortzeko.
- Hartualdi laburragoak eman. Umearekin akordio batera irits zaitezke, bularra emango diozu, 10 kontatu arte. Hori bai, behin akordio batera iritsita, tinko eutsi behar diozu. Prozesua hasten denean, sentitzen baduzu ez dela momentua bietako edozeinentzat, baimena eman zeure buruari berriro bularra ematen hasteko eta aurrerago egin proba berriro. Ez diozu inori azalpenik zor.

(sin título)

Noiz kendu behar diot titia nire haurrari?

Bularra emateak ez du iraungitze datarik. Aditu guztiek 6 hilabeteko edoskitze esklusiboa aholkatzen dute, eta bi urte edo gehiagora arte, elikadura osagarriarekin batera jarraitzeko. Kanpoko gomendioak alde batera utzita, titia kentzeko unea zure beharre...n eta umetxoaren beharren araberakoa izango da eta ez besteen espektatiben araberakoa. Gerta liteke hori egiteko unea iritsi dela argi izan arren, sentipen kontrajarriak dituzula sentitzea; tristura amaitzen den etapagatik, eta, agian, lasaitasuna berreskuratuko duzun independentziagatik. Hori guztia normala da. Erabaki honi buruz zure semearekin edo alabarekin hitz egitea aholkatzen dizugu. Nahiz zure hitzak ulertzeko bezain handia bada, nahiz hitz horien atzean dagoen maitasuna eta zainketa besterik ulertzeko ez bada. Zintzotasunez eta leialtasun osoz hasteko balio diezazuke.

(sin título)

Sukarra badut bularra eman diezaioket?

Bai, ahal duzu. Sukarra joan arte bularrik ezin dela eman askotan entzuten den arren, mito bat da, ez da zuzena. Organismoa birus edo bakterioaren baten aurka borrokatzen ari dela adierazten du sukarrak. Edoskitze aldian gertatzen bada, garrantzitsua da k...ausa ezagutzea eta tratatzea, baina, edonola ere, bularra ematen jarrai daiteke, ez zuretzat ez zure haurrarentzat kalterik eragin gabe. Antibiotikoak hartzea beharrezkoa bada, merkatuan edoskitzearekin bateragarria den aukera zabala dago. Berdin gertatzen da sukarra jaisteko medikazioarekin ere. Beraz, sukarra izanez gero edoskitzea eteteko inolako arrazoirik ez dago. Gainera, amak sukarra eragin duen germenaren eraginpean egon bada, haurra ere egon izango da gune fisikoa partekatzen baitute biek, eta, ondorioz, haurtxoari bularra ematen jarraitzea oso garrantzitsua da, esnearen bidez bere gorputzak germenen aurka sortu dituen defentsak transmitituko baitizkio. Hori da bularra modu naturalean ematearen abantaila eta pribilegio handienetako bat.

(sin título)

Nire bi semeei aldi berean eman diezaieket bularra?

Haurdun geratzen bazara bularra ematen ari zaren bitartean posible da haurdunaldi osoan bularra ematen jarraitzea. Erditu ondoren bi haurtxoei bularra ematen jarraituz gero tandem-edoskitzea izango da. Tandem-edoskitzeak onurak dakartza alde guztientzat; ...hartuneak ahalik eta ongien antolatu behar dituzu eta ohiko higiene neurriak mantendu. Erditzearen ondoren, jaioberriarentzat hain onuragarria den oritza ekoitziko duzu, eta ondoren, beti egongo da esnea bientzat. 

(sin título)

Bularreko protesia daukat, nire haurtxoari bularra eman ahal izango diot?

Garrantzitsua da jakitea nola jarrita dagoen inplantea eta zein teknika erabili zen. Bularreko muskuluaren atzean daudenek eta areolan inolako ebakirik egin gabe sartuta daudenek, ez dute inolako aldaketarik eragiten bularreko ehunean eta, beraz, zure bul...arrak esnea ekoizteko gaitasuna izango luke esku-hartzearen aurretik bezala. Aitzitik, bularreko inplantea sartzeko areola inguruan ebaki bat egin bada, inplanteak ehun jariatzailea konprimitu dezake. Aldi berean, areolan egindako ebakiak eta ondorengo orbainak hodi galaktoforoak kaltetu ditzake. Hauek kolapsatu egiten dira eta esnea titiburutik behar bezala ateratzea eragozten dute. Esku-hartzearen txostenak eskura izatea gomendatzen dizugu, eta zure emaginarekin kontsultatzea zure kasua.
Garrantzitsua da edoskitzeari buruzko benetako espektatibak izatea, eta informazio hau lagungarria izan dezakezu horretarako. Baina erditzearen ostean beharrezko aldaketa hormonalak gertatu arte, eta zure haurtxoak zure bularra eskatu ahala xurgatzeko gai ez den arte, ezingo da baloratu haren arrakasta. Batzuetan, edoskitze partzial bat mantendu daiteke gehigarriekin konbinatuta. Beste batzuetan naturak giza espektatibak gainditzen ditu.

(sin título)

Bularra txikiagotuta daukat, nire haurrari bularra eman ahal izango diot?

Galdera horren erantzuna erabilitako teknikaren mende dago hein handi batean. Txikitzeko kirurgiak esnea ekoizteko bularreko ehuna, nerbio konexioak eta hodi galaktoforoak suntsitzen ditu. Kirurgiak, ordea, inerbazioa eta hodiak ez bazituen ukitu, bularra... behar bezala eman daiteke. Onena da zure emaginari esku-hartzearen txostenak erakustea eta berak aholkua ematea. Garrantzitsua da edoskitzeari buruzko benetako espektatibak izatea, eta informazio hau lagungarria izan dezakezu horretarako.

(sin título)

Odoljario handiagoa egon daiteke edoskitze-aldian?

Bai, litekeena da odoljarioa handitzea oxitozinaren eraginez, eta, umetokiaren inboluzioa sustatzen baitu uzkurduren bidez. Odoljario hori fisiologikotzat jotzen da, eta onuragarria, azkar suspertzeko.

(sin título)

Zein postura da hoberena nire haurtxoak frenulua badu?

Postura bat aukeratzerakoan, helburua da titiburua eta areola umearen ahoan ahalik eta sakonena sartzea, horrela frenuluak mihiaren hedadurari jartzen dion oztopoa gaindituko baita. ?- Haurra diagonalean jartzea aholkatzen dizugu zure gorputzaren gainean ...bere sabeltxoa zure saihetsei itsatsita eta kokotsarekin areola ukituz. Ahoa zabaldu ahala, burua atzeraka joango da eta horri esker titiburua ahoaren hondora sartu ahal izango da. ?- Atzerantz erdi etzanda bazaude, kuxinak erabiliz postura erosoan egoteko, grabitateak haurtxoaren enborra zure gorputzari itsatsita mantenduko du. ?- Ezin baduzu titiburua ondo sartu horrela titiburua, sandwicaren teknikarekin eskain diezaiokezu. Eskainitako bularraren aurkako aldeko eskuarekin, behatz erakuslea azpian eta hatz lodia goian jarri behar duzu, biak areolaren atzetik, eta bularra konprimitu bi hatzekin. Titiburua eta areola lautu egingo dira. Haurtxoak ahoa ondo zabaltzen duenean, hobe da zati handi eta lauagoa eskaintzea, heldu ahal izateko. ?- Beste jarrera bat "zalditxoa" da. Haurtxoa zure hankaren gainean eser daiteke, titiburuaren aurrean, kokotsa areolari itsatsita eta titiburua, haurtxoaren goiko ezpainaren erdiko lerroaren parean. Hobeto funtzionatzen du haurtxo handiagoekin, beren buruei hobeto eusten diotenekin. ?- Haurtxoak eramateko bizkar-zorro ergonomiko bat erabiliz gero ere aurreko postura hori bera izango duzu apur bat aldatuta eta zu zutik egon zaitezke edo batera-bestera ibili. Gainera, bizkar-zorro horretan gasak hobeto botako ditu eta batzuetan bularrari gaizki heltzearekin zerikusia duten koliko-sintomak ere hobetuko ditu. ?