Plan familias 0·12

(sin título)

Zer da pelbis-zorua eta zergatik hondatzen da?

Pelbis-zorua gihar, nerbio eta lotailu multzo konplexu bat da, eta pelbiseko organo batzuei eusten diete, hala nola maskuriari, umetokiari, baginari eta ondesteari. Pelbisaren behealdean dago, eta bere zatirik sakonenak kupula bikoitzeko forma du. Kupula ...horien gainean daude lehen aipatzen genituen organoek. Gure jarrera zutituaren ondorioz, kupula horiek etengabe grabitatearen aurka bizi dira, eta hondatu egin daitezke, lautzera iritsiz edo inbertitu ere bai. Pelbis-zorua kaltetu dezaketen jarduerak, haurdunaldiaz eta erditzeaz gain, honakoak dira: gehiegizko pisua, idorreria, arnasketa arazo kronikoak, inpaktuzko kirola eta menopausian egoten den hormonen murrizketa, besteak beste.

(sin título)

Erditu ostean abdominalak egin ditzaket?

Erditzean, sabelaldeko giharrak eroriago geratzen dira eta denbora behar du tonu-muskularra hein batean berreskuratzeko. Sabelaldeko paxa indartzea garrantzitsua da erditu ondoren, ez soilik estetika arloan, baizik eta pelbis-zoruaren giharren osasunagati...k ere bai. Bi muskulu-sistema horiek elkarren artean erlazionatuta daude, ondorioz, batzuen muskulu-lanak eragin positiboa edo negatiboa izan dezake besteetan. Ohiko ariketa abdominalek presioa areagotzen dute sabel barnean eta horrek kalte egin dezake hondatutako pelbis-zoruaren giharretan. Beraz, ariketa mota hori kontraindikatuta legoke. Badira teknika hipopresiboak erabiltzen dituzten beste ariketa mota batzuk; hau da, sabel barneko presioa hazten ez dutenak. Ariketa horiek pelbis-zorua indartzen dute, sabelaldeko paxa tonifikatzeaz gain, eta erditu ondorengorako egokiak lirateke. Komenigarria da zure emaginari galdetzea noiz hasi behar duzun ariketa horiek egiten zure banako zirkunstantzietan oinarrituta.

(sin título)

Zer dira eta zertarako balio dute Txinako bolek?

Txinako bola mota ezberdinak daude, baina bere ekintza mekanismoa berdina da. Esferak dira, eta barruan tamaina txikiagoko beste bola bat dago, mugitzean bibrazio bat sortzen du eta bibrazio hori bere inguruko giharretara igarotzen da. Bi bola edo bakarra... etortzen da paketean. Material bat baino gehiago erabiltzen dira bola hauek egiteko, baina silikona medikoarekin egindakoak gomendatzen dira, ukimen atseginagoa dutelako eta alergiko gutxiago izaten dutelako. Lurzoru pelbikoa indartzeko erabiltzen direnean, nahikoa da pisu estandarreko bola bakarrarekin (38 gr inguru). Denbora luzez jostailu erotiko gisa erabili izan dira bolak, baina duela urte batzuetatik hona zabaldu egin da lurzoru pelbikoa lehengoratzeko tratamenduan. Hala ere, ez dira asmo honekin erabili behar zure emaginak erabiltzeko baldintzak betetzen dituzula adierazi arte. Jartzerakoan, jausten bazaizkizu, berriz ere aholkularitza eskatu. Agian, beharrezkoa da lehenik giharrak lantzea beste teknika batzuekin, erabili ahal izan aurretik. Bola txinatarra baliabide bat gehiago da zoru pelbikoa lehengoratzeko tratamenduan; baina, modu isolatuan erabiliz gero ez du efektu miragarririk, jendeak besterik uste arren.