Izokin takoak

Moztu izokina kubotan eta erre su bizitan oliorik gabe, pixka bat gorritzen den arte. Erantsi soja-saltsa eta itxaron loditu arte eta izokina erabat txigortu arte. Zuritu ahuakatea eta birrindu lima erdiaren zukuarekin. Gorde limaren beste erdia geroko, lagungarri gisa erabiltzeko. Txikitu baita ere feta gazta. Laminatu aza eta errefautxoak fin-fin eta gorde osagai guztiak banatuta. Berotu opilak plantxan eta gorde; estali ehunezko trapu batekin, bero mantentzeko eta ez idortzeko. Takoak muntatzeko, zabaldu ahuakate birrinduaren koilarakada bat tortillan. Jarraian, erantsi aza; horren gainean, izokina; eta azkenik, errefautxoak eta feta gazta birrindua. Nahi baduzu, erantsi lima-zuku apur bat gehiago.