Euskadi

Bere tradizio gastronomikoaren eta baldintza klimatiko eta orografikoen ondorioz, Euskadi da aitortutako AGB eta JD gehiena duen lurraldeetako bat.

Hiru JD itsasoari begira dagoen euskal ardo zuri tradizional batentzat. Lantzen diren inguruari esker dituzte beren berezitasunak: Getariko Txakolina, Bizkaiko Txakolina eta Arabako Txakolina. Idiazabal JD, nazioartean aintzatetsia eta “Europako ondare gastronomiko” aitorpena duena, duela mende asko bezala, latxa ardien edo Karrantzakoen esnearekin egiten da.

Arabako Errioxako ardoak baldintza apartekiko sailetan lantzen dira, nazioartearen aitorpena dute eta Errioxa JDren barruan beren nortasuna ere bai.

Euskal Sagardoa, duela gutxi sortutako izena, %100 euskal sagarrarekin egiten da.

Eta Eusko Label zigilua, goren mailako kalitatea eta jatorria bermatzen dituena erreferentziazko produktuetan, hala nola, Gernikako piperrak, Esneko bildotsa, Baserriko oilaskoa, Ibarrako piparrak, Arabako patata eta Euskadiko tomatea, letxuga, babarrunak, esnea, arrautzak eta eztia.

“Ekoizleekin oso gertuko harremana dugu, egunero bertatik bertara aritzen gara lanean gure bazkideei tokiko produktu berritzailea eta askotan esklusiboa eskaintzeko, izan ere, aitzindariak izan ginen gure EROSKI markarekin eta aitortutako JD batekin tokiko produktu bat garatzen.

Beraiekin dugun harremana merkataritza arloaz harantzagokoa da, hori dela eta, hilero gure dendetan elkarrekin egiten ditugu tailerrak, dastatzeak, probatzeak eta beren lantegi edo instalazioetara ikustaldiak ere bai gure bezeroak sustraietara, tokiko produktura, egiaz gerturatu daitezen.

Gaur egun EROSKI markako tokiko 190 produktu baino gehiago ditugu, eta bakoitza gure konpromisoaren froga argia da. Gure erreferentziak hazten ari dira, merkatuko tokiko sorta zabalena duen banatzailea gara, horrek bereizten gaitu eta gure apustua egiazkoa dela ziurtatzen du.”