Espetada de solombo, champiñóns e setas con chutney de cebola e piña

Nunha tixola antiadherente cun pouco de aceite de oliva sofritimos o dente de allo picado e, antes de que colla unha cor dourada, agregamos as setas e champiñóns e unha chisca de sal. Salteamos o conxunto durante uns dous minutos, sacamos do lume a tixola e agardamos a que temperen. Cortamos en cubos regulares o solombo de tenreira e ensartámolos nun espeto, intercalándoos con setas e champiñóns. Cociñamos os espetos na mesma tixola antiadherente, onde salteamos previamente as setas e champiñóns, cun pouco máis de aceite e unha chisca de sal, dándolles voltas e cociñándoas de forma uniforme por toda a superficie. Unha vez salteadas as espetadas, sacámolas da tixola e desglasamos os zumes adheridos á devandita tixola cun chorro de viño branco, caldo de carne e unha cullerada de maicena para ligar a salsa. Servimos os espetos coa salsa e acompañando por un chutney de cebola e piña. Para elaborar o chutney de cebola e piña temos que saltear nunha cazola a cebola cortada en brounoisse (cadradiños pequenos) coa piña pelada e cortada en láminas, cando comece a coller cor, agregamos o zume de limón e un pouco de xenxibre fresco, unha pementa caiena e un pouco de vinagre de arroz. Deixamos cociñar o conxunto ata que adquira unha consistencia de compota na que nos atoparemos anaquiños al dente. Poñemos a punto de sal e como resultado teremos unha gornición refrescante cun toque agridoce.