Eroski

Tortilla con arroz integral

Segon plat
0 View visita

Dificultad: Dificultad baixa
Tiempo: De 30 minuts a 1 hora

Descargar

kcal: 376 19%

Azúcares: 1,8g 2%

Grasas: 18g 26%

Grasas saturadas: 4g 20%

Sal: 0,5g 9%

de 5 estrellas. Basado en 0 valoraciones

Modo de preparación

Unha hora antes remollamos o arroz integral en auga fría. A lume manso, nunha cazola baixa refogamos con aceite de oliva a cebola e os pementos cortados á brounoise (cadriños miúdos). Lavamos lixeiramente o arroz integral, escorrémolo e engadímosllo á cazola, remexendo decote para que se torre o arroz sen pegarse á cebola e aos pementos. Engadímoslle a auga ao arroz integral e deixamos que ferva durante cinco minutos. Pasado este tempo baixamos o lume ao mínimo, poñemos a punto de sal e tapamos a cazola sen remexer, ata que o arroz integral absorba toda a auga e estea tenro, aproximadamente uns 25 minutos. A continuación quecemos un pouco aceite nunha tixola pequena e facemos as catro tortillas redondas, meténdolle o recheo de arroz no centro de cada unha. Enrolamos as tortillas e deixámolas temperar antes de cortalas. Presentamos en pequenos roliños.

Consejo nutricional

Esta receita inclúe unha orixinal combinación de tortilla con arroz e a peculiar presentación en forma de roliños. O ovo é un alimento moi nutritivo, que destaca pola excelente calidade da súa proteína. Así mesmo, achega graxas, lecitina, colesterol, vitaminas A e D, vitaminas do grupo B e minerais como o ferro. Neste caso, a tortilla reenchémola con arroz, un alimento enerxético, rico en hidratos de carbono e libre de graxas, que constitúe ademais unha das bases da dieta mediterránea. O arroz que empregamos nesta elaboración é integral, polo que contén unha maior achega de fibra e fai que diminúa o seu efecto adstrinxente. O refogado de cebola e pementos con que se prepara confírelle un toque de sabor moi agradable a esta receita tan sinxela de elaborar.