Mallorca AGB duten sobrasaden salmentak hazi egin dira

EROSKI center Son Moix-ek duela gutxi ekitaldi bat egin du Mallorca AGB duten sobrasadak sustatzeko, produktu tradizionala eta bikaina izateaz gain, gastronomikoki aintzatetsia baita.

Bertaratu zirenek Mallorca AGBko sobrasadekin egindako platerak dastatzeko aukera izan zuten, Margalida Alemany sukaldari ospetsuak egin baitzituen eta bere errezeta originalen berri eman zien bertaratuei. Gainera, gure supermerkatuetan dauden Mallorca AGBko sobrasadak dastatu ahal izan zituzten, oso gureak diren produktuekin batera, esaterako, llonguetarekin.

Alfredo Herráez da EROSKIren zuzendaria Balearretan eta adierazi zuen gure bezeroek oso harrera ona egiten dietela produktu hauei eta berretsi egin zuen gure supermerkatuetan tratu oso berezia ematen jarraitzeko nahia. ‘Zurekin’ saltoki berrietan sobrasadentzako hozkailu bereziak erabiltzen dira eta gure langileek berariazko prestakuntza jasotzen dute; biak ere alderdi garrantzitsuak produktu hau behar bezala gordetzeko eta urtetik urtera salmentek gora egiteko.

Ekitaldian izan ziren Mateu Morro jauna, Balear Uharteetako Nekazaritza eta Arrantza Bermatzeko funtseko gerentea; Andreu Palou, Mallorcako Sobrasadaren AGBko Kontseilu Arautzaileko presidentea; Antonia Mª Torres, Kontseilu Arautzaile horretako gerentea eta Margalida Alemany sukaldaria; Mallorcako Sobrasada AGBren ekoizleez eta EROSKIko zuzendariez gain.