Asturiasen lau JDB aintzat hartu dira, lurraldeko gazten jatorria eta kalitate bikaina bermatzen dutenak. Gure Asturiaseko dendetan lau jatorri deitura horiek lantzen ditugu.
Afuega’l Pitu
Hauxe dugu Asturiaseko gazta zaharrenetako bat, gehien hedatu denetakoa eta jende artean erro sakonak dituena.
Bere izen bereziak eta forma eta kolore ezberdineko lau barietateek (Atroncau blancu, Atroncau roxu, Trapu blancu eta Trapu roxu), aurkezpen zoragarria ematen diote Afuega’l Pitu gaztari.
Dastatzean, Afuega’l Pitu gaztak denak harritzen ditu bere testura apartekoarekin eta esne-ukitu garratzekin legamia ñabardurekin; ukitu horiek sentsazio min atsegin batekin nahasten dira roxu barietatean.
Kondairak dioenez, Afuega’l Pitu gaztak (“eztarria ito” esan nahi du asturieraz) bere berezitasun handienetik hartzen du izena: ontze-prozesuan zehar areagotzen den testura trinko eta irmoa.
Cabrales gazta
Seguru asko erkidego honetatik kanpo ospetsuena, Cabrales gazta naturala dugu, artisau-eran egina, behi-esne gordinarekin edo bi edo hiru mota nahastuz: behia, ahuntza eta ardia.
Gazta egin ondoren, mendietako kobazulo naturaletan ontzen uzten dute, bi eta lau hilabete arteko epean. Kobazulo hauek %90eko hezetasuna daukate eta tenperatura 8 eta 12 gradu bitartekoa da.
Baldintza horiei esker, ontze prozesuan zehar penicillium moduko lizunak agertzen dira gaztan, gune eta zain urdin-berdexkak ematen diotenak.
Nolabaiteko zapore mina dauka, batez ere ahutz- eta ardi-esne garbia edo nahasketarekin egiten denean.
“Porque es bueno que sea de aquí, te acercamos queso de las cuatro DO de la tierra, apoyando la sostenibilidad de nuestro entorno y el futuro de la figura del pastor”
Casín gazta
Casín gazta koipetsua da, ondua, eta behi-esne osoa edo gordinarekin egina, gatzapen enzimatikoa eta pasta oretua duena, gogorra edo erdi-gogorra.
Gazta babestuak egiteko erabiltzen den esnea Jatorri Deitura Babestuak zaintzen dituen inguruneko ganadutegietatik lortzen da.
Espainiako gazta zaharrenetako bat da; egiteko modu konplexua dauka, mamia arrabolezko makina baten bitartez oratzeko teknika arraroa erabiliz. Bere jatorria bezain zaharra, bere zapore gogorra eta nolabait mina dugu, ondo ketutako gurinaren landako aromarekin, ahoaren amaieran mingotsa eta aho-sabaian iraunkorra dena.
Gamonéu gazta
Behi-, ardi- edo ahuntz-esne gordinarekin egindako gazta dugu, arinki ketua, ertzeetan penicillium azaleratze arinekin.
Asturiaseko gazten artean nagusienetakoa da. %100ean artisau-eran egiten da eta, horrek, munduan gaztarik preziatuenetako bat bihurtzen du.
Gamonéu del Valle gazta Europako Mendietako mendebaldeko mendiguneetako familia-gaztandegi txikietan egiten da, Onís eta Cangas de Onís-eko kontzejuen beheko guneetan kokatutako herrixketan, hain zuzen ere. Esnea eta gaztak ekoiztu, bai eta azken hauek ondu, Asturiaseko Printzerriaren ekialdeko gune hauetan egiten da.
Gamonéu del Puerto gazta munduan gazta onenetakoa dela uste da eta oso preziatua da nazioartean. %100ean eskuz eta artisau-eran egina, Gamonéu gazta bakoitza berdingabea eta esklusiboa da.
Gazta hau Onís eta Cangas de Onís-eko kontzejuen portu altuetako etxoletako gaztandegi txikietan egiten da soilik.
