Ona delako hemengoa izatea, asturiar ekoizleek egindako hestebeteen sorta zabala jartzen dizugu eskura; hala, gure ingurunearen iraunkortasuna babesten dugu. Hestebeteak egiten dituzten bertako 8 ekoizlerekin lan egiten dugu, eta harreman luze eta egonkorra dugu haiekin.
HIJOS DE ESPERANZA VALLINA, S.L.
Haragikiak egiten, merkaturatzen eta banatzen espezializatutako enpresa bat da.
Erabilitako haragien aukera zaindua da elaborazioaren oinarria. Horri gehitzen badiogu osagaiak kalitate handikoak direla eta aurrerabide teknologiko berrienak teknika eta errezeta zaharrenekin uztartzen dituztela, kalitate-estandar altuak betetzen dituzten zapore handiko hestebeteak lortzen dira.
Haritz- eta arte-egurra erabiltzen dute Asturiaseko produktu tipikoei –txorizoa, odolkia, lukainka eta ferra-txorizoa– ukitu berezia ematen dien kea sortzeko; ondoren, lehortegi naturaletan ontzen dituzte.
EMBUTIDOS VALLINA
Embutidos Vallina enpresaren historia 1902an hasi zen, sortzaileek harakindegi bat ireki zutenean; ordutik, etengabe hazi da eta Asturiaseko gastronomiaren enbaxadore bikain bihurtu diren zenbait produkturen sorta zabala jarri dute guztion eskura.
EMBUTIDOS GARCÍA GOMEZ
1972. urtean hasitako harakindegi txiki hau bere sektorean ezin hobeki txertatutako enpresa moderno bilakatu da.
LA ALDEA S.L.
Fernández sendiak, 1940. urtean, txerrikigintzako instalazio txiki bat jarri zuen abian Tineon (Asturias), eta halaxe ekin zioten harakintzako jarduerari.
Embutidos La Aldea enpresa familiarra izan da hasiera-hasieratik, eta gaur egun hirugarren belaunaldiko seme-alabek hartu dute enpresaren zuzendaritza beren gain, artisautzako jardunbide onak herentziaz jaso ondoren. Gainera, proiektu berriak ekarri, eta horien garapena sustatu dute.
"Bertako hestebeteen aukera zabala hurbiltzen dizkizugu"
JAMONES EL CASTILLO S.A.
Familiako enpresa hau 1930. urtean sortu zen eta kalitate handiko urdaiazpiko serrano eta iberikoak egin eta ontzen dihardute soil-soilik.
MAYBE S.A
Sektorean ibilbide luzea eta kaudimen aitortua duen enpresa, 40 urtetik gora daramatza jardunean.
Lehengai onenak aukeratu, eta Asturiaseko hestebete zaporetsu eta tradizionalak prestatzen dituzte: esaterako, txorizo, odolki eta sabadiegoak.
EMBUTIDOS LA UNION
Familiako enpresa hau 1947. urtetik aritzen da Asturiaseko haragikiak egiten.
Euren hestebeteen fabrikazio-prozesua zaintzen dute, lehengai onena eta teknologia modernoa erabiliz. Haragiak gazitu eta haritz-egurrez ontzeko artisau-teknika erabiltzen dute oraindik ere, eta kalitate handia eta prestigio aitortua duen produktu natural bat da horren azken emaitza.
EMBUASTUR, S.L.
Embutidos Artesanos de Turuelles ekintzaile talde baten eskutik jaio zen, Asturiaseko landetxeetako behinolako sukaldaritzatik eskualdeko benetako hestebeteak, arbasoek bezala tradizioari jarraikiz egindakoak, berreskuratzeko asmoz.
Eta halaxe berreskuratu dituzte hestebete naturalak, kontserbagarririk gabeak, haritz-egurrez keztatuak eta mikroklima berezian onduak. Horrexek ematen die paregabe bihurtzen dituen zapore berezia.
