Sagarrak, mertxikak, albertxikoak, gereziak, nektarinak, paraguaioak… asko dira lur honetako fruituak, baina zalantzarik gabe udarea da autonomia-erkidegoko adierazgarriena, eta bertan nahiz kanpoan aintzat hartzen eta balioesten da. Rincón de Soto udarea izan zen jatorri-deitura baten babesa lortu zuen lehenengo fruitua: hain zuzen, Rincón de Soto udarearen Jatorri Deitura Babestua.
Gure EROSKI Natur markak, jakina, barnean hartu behar zuen fruten artean jatorri-deitura babestu garrantzitsuenetako bat duena, eta horregatik eskaintzen dizugu 2008az geroztik Rincón de Soto JDBko EROSKI Natur Konferentzia udarea. Errioxa barruan nahiz kanpoan merkaturatzen dugu udare hori; hala, aparteko kalitatea duen produktu hori sustatu eta ikustera ematen dugu. Jatorri-deiturak ematen dizkion ezaugarri berberekin, eta gainera, EROSKI Natur bermearekin: jatorriaren, kalitatearen eta une ezin hobean bildu izanaren bermea.
Izendapen hori 2002an jaio zen eta Errioxa ekialdeko Rincón de Soto, Aldeanueva de Ebro, Alfaro eta Calahorra udalerrietako ekoizpena soilik aitortzen zuen hasieran. 2010ean, Errioxako beste 23 udalerritako lurraldeak erantsi zitzaizkion.
EROSKIk Rincón de Soto Jatorri Deitura Babestuko Konferentzia udareen 750.000 kg baino gehiago merkaturatu ditu azken kanpainan.
"Azken 12 hilabeteetan Errioxako 2.000.000 kg fruta baino gehiago saldu dugu gure denda guztietan"
Beste ekoizle batzuen artean, Errioxako zenbait nekazarik 70eko hamarkadan sortutako «el Raso» kooperatibarekin lantzen dugu fruitu erabat enblematiko hori.
Kooperatibako kideen aitona-amonek eta berraitona-amonek belaunez belaun fruitu eta barazkiak saltzen zuten enparantzari egiten dio erreferentzia kooperatibaren izenak. Kooperatibak ongi jakin du nola uztartu tradizioa eta berrikuntza, eta gaur egun hogei barazki eta fruta laborantza baino gehiago dituzte haien instalazio modernoetan.
Udarea da Errioxako fruitu adierazgarriena eta preziatuena. Bertako lurraren berezitasunak ematen dizkie udare hauei beren ezaugarri bereizgarriak; lur lauak dira, ongi aireztatuak, hezeak eta karerik edo siliziorik gabeak. Goizean maiz agertzen diren behe-lainoek udare mota honetan russeting edo azalaren oxidazio bereizgarria agertzea eragiten dute.
Rincón del Soto Jatorri Deiturako udareak gozoak dira, zapore handikoak, usaintsuak, urtsuak eta beste Konferentzia udareak baino handiagoak. Luzexkagoak dira eta mota honetako gainerako frutek baino azal berdexkagoa dute. Identifikatzen eta bereizten dituen etiketa batekin merkaturatzen dira. Udarea bete-beteko fruitua da, primerakoa haurrentzat. Potasioan ugaria da eta kaltzioa du, hezurrentzat funtsezkoa; fosforoa ere badu, energia eman eta nerbio-konexioetan material genetikoa transmititzen laguntzeko; burdina, anemiak prebenitzeko; sufrea, kolagenoa sortzen laguntzeko; eta horrez gain karbohidratotan eta zuntzean ere aberatsa da.
