Hemengoa izatea ona delako, EROSKIN 10 urte baino gehiago daramatzagu arraina zuzenean Galiziako arrantzaleei erosten gure denden ondoko lonjetan: Burela, Celeiro, A coruña, Vigo, Marín, Ribeira, eta modu berean, Laxe eta Malpica bezalako lonja txikiagoetan erostea bultzatzen.

Gure dendetan komunitate honetako arrain-eskaintza oso zabala, zaporetsua, freskoa eta kalitate bikainekoa daukagu. Itsasoak berak aukeratzen du gure eskaintza eta produktu bakoitza komunitateko bandera eta lehorreratze portuaren izenarekin identifikatzen dugu.

Azken urtean Galiziako kostaldean arrantzatutako 2.300.000 kilo arrain eta itsaski merkaturatu ditugu gure dendetan.

Eta Galiziako arrantzaleei arrainak eta itsaskiak erosi dizkiegu, 26 milioi euro baino gehiagoko balioarekin.

Europan kalitate-bereizgarria lortu duen itsasoko lehenengo produktua

Mexillón de Galicia JDB

Galiziako muskuilua Europan “Jatorri Deitura Babestua” kalitate-bereizgarria lortu duen itsasoko lehenengo produktua da.

Kusku biko moluskua da, aizkora forma bereziarekin, aurretik lodia eta puntan bukatzen dena eta atzetik luzea eta oso zorrotza dena. Bere maskorrak kolore beltz urdinxka dauka eta bianda laranja izan ohi da, batzuetan kolore zuriagoa izan arren.

Kolore hauek beste lekuetako muskuiluenak baino biziagoak dira, Galiziako itsasadarretako fitoplanktonaren baldintza bikainen ondorioz, kantitatea eta kalitateari dagokionez.

Komunitatearen zeinua bilakatu den jaki ezin hobea, munduko beste inon zapore berdina ez duena

"Zure ondoko portuen arrain eta itsaskiak eskaintzen dizkizugu"

Jarraian, helburu honetan laguntzen gaituzten enpresa batzuk nabarmenduko ditugu, gurekin harreman luzea dutenak.

SANCHEZ CORUÑA, S.L.FRESCO
Sánchez Coruña S.L. Coruñan 1990ean sortutako familiako enpresa bat da.
Arraina eta itsaskiak inportatu eta tratatzen ditu
azkenengo kontsumitzaileari baldintza bikaineko produktua eskaintzeko.

BACALAO OUTON S.L.
1980an sortua, Bacalao Outón bakailaoa merkaturatzen duen familiako-enpresa dugu. Gaur egun Iberiar Penitsulako liderren artean dago bakailaoaren merkatuan. Beren familiako espirituari esker, baina profesionaltasun maila altu batekin, prozesu tradizionala kontserbatzen jakin dute, produktuari hain preziatua egiten duten ezaugarriak ematen dizkiona.

Galizian arrantzatua

Itsasotik zure mahaira

Ez da edonolako arraina!

Harritu ezazu jendea gertuen dauden portuetatik ekarritako sasoiko arrain eta itsaskien errezetekin

Arraina eta itsaskiak Galiziako gastronomiaren protagonistak dira, eta benetako apeu turistikoa, Galizia bisitatzen dutenek ez baitute lurraldea uzten itsaski-jan bat edo bi hartu barik.

Galiziako itsaskiek, ur eta kostalde atlantikoan lortutakoak, zapore eta kalitate ezin hobea dute. Oso ospetsuak dira Galiziako itsasadarretako lanpernak, bai eta datilak, txirlak, eta batez ere, bertako bateetako muskuiluak (Galizian munduko muskuilu produkzioaren ia erdia ekoizten da).

Horrez gain, ezinbestekoa da santio txikiak, abakandoa, zigalak eta, batez ere, olagarroa dastatzea. Zefalopodo hau Galiziako lurraldeko sinboloa dugu ia-ia; batez ere feira eran prestatzen da, piperrautsa, oliba-olioa, patata egosia eta gatzarekin, eta Galizian ematen dioten egoste-puntua nekez gainditu daiteke.

Era berean, mota guztietako arrainak dastatu ahal izango ditugu, labean edo parrillan eginak: atuna, hegaluzea, lupia, legatza, erreboiloa, sardinak…