Arrantza-tradizio handiko marinel-lurraldea, nazioartean prestigio handia hartu duten kontserbagile enblematikoek osatzen dute bertako historia eta ongi jakin dute nola eraberritu, metatutako ezagutza guztia eta lehengaiari eta itsasoari begirunea galdu gabe. Antxoa-ekoizpena Kantabrian metatzen da Espainiako beste inon baino gehiago (enpresa guztien % 78,2ko kuotarekin), eta 61 enpresa daude, Santoña, Laredo, Colindres eta Castro Urdialesen nagusiki. Eskualde horretan, 2.000 langileri baino gehiagori ematen die enplegua, eta haietatik asko dira emakumezkoak. Arrain-kontserben eta erdikontserben merkatua nabarmen goratu da azken urteotan, eta fakturazio gero eta handiagoa sortu dute Kantabriako sektoreko enpresek.
Ona delako hemengoa izatea, bertako antxoa-kontserbak eskaintzen ditugu, belaunaldi luzeko tradizioa duten lau kantabriar ekoizlerenak.
Conservas LOLIN, S.L. Kalitatearen eta eskarmentuaren sinboloa da 1955etik.
Conservas SILVIA, S.L. Hasiera-hasieratik kontserbagile onenekin batera aritu eta egiteko moduaren eta fabrikazioaren sekretu guztiak ezagutzera iritsi ziren, baita xehetasun txikienak ere, 1978an euren enpresa sortu arte.
Conservas EMILIA. Santoñan sortua, 80ko hamarkadaren amaieran.
Conservas ELBA S.L- FONTECILLA. Santoñako antxoak eta arrain-kontserbak.
Lolín, Emilia, Silvia eta Fontecilla autonomia-erkidego guztietan ezagutzen eta aintzat hartzen diren bertako marka ezagunak dira, eta hala Kantabrian nola kanpoan saltzen ditugu.
Kantabriako ikurrinarekin seinaleztatu dugu produktu hori, identifikatu eta salmenta sustatzen laguntzeko.
Antxoa gastronomiako erreferente bihurtu da eta apurka-apurka bere txokoa aurkitu du merkatuan. Produktu horren tradizioak XIX. menderaino eramaten gaitu.
Santoña da antxoaren hiria, beste guztien gainetik. Kantabrian «bocarte» esaten zaio frijituta edo gordinik badago, «anchoa» gatzetan badago, eta «boquerón» ozpinetan badago.
XIX. mende amaieran, Santoñan finkatutako siziliar batek tratamendu bikaina aurkitu zuen antxoarentzat, masan arrantzatu eta gero: Giovanni Vellak gatzetan jarri zuen antxoa-xerra, oliba-olioarekin, eta hala jaio zen antxoa. Santoñan jaio eta bertako produktu izarra bihurtu zen, eta pixkanaka Kantauri itsasoan zehar hedatu zen Kantabriako beste herri batzuetara, esaterako, Castro Urdialesera.
