EROSKIn lankidetza hertsian dihardugu sobaoak modu tradizionalean egiten dituzten bost kantabriar ekoizlerekin, eta urte askoko harremana dugu haiekin. Sobao, formatu eta marka aukera zabala dugu gure dendetan autonomia-erkidegoko ikurrinarekin seinaleztatuta, errazago identifika daitezen.
Sobaos Serafina S.L. Kantabriako enpresak mendetik gora darama sobaoak modu tradizionalean egiten. Ia-ia 20 urteko harremanak lotzen gaitu eta EROSKI markaren sobao sorta egiten dugu elkarrekin: EROSKI basic sobao txikia, EROSKI sobao handia eta EROSKI gurinezko sobaoa.
Bikainak, gozoak, apatzak eta gurin usain bereizgarriarekin, Kantabria barruan nahiz kanpoan merkaturatzen ditugu, arrakasta handiz.
Oso harreman estua dugu aspaldiko beste ekoizle batekin ere, Joselín Sobaos y Quesadas S.L.rekinHainbat sobao eta kesada erreferentzia lantzen ditugu haiekin.
Mami horia, gainazal doratua eta berezko usaina eta zaporea duten bizkotxo angeluzuzen hauek, gainera, Adierazpen Geografiko Babestuaren izendapena dute 2004tik. Zigilu horrek Paseko eskualdean egin eta ontziratu direla bermatzen du; hau da, Kantabria autonomia-erkidegoaren erdialdean Pas eta Pisueña ibaiek mugatutako eremu geografikoan.
Gurin % 100 naturala erabiltzeak ematen dien kolore hori bizia eta gainazal arre samurra ditu bereizgarri. Testura trinkoa baina oso apatza dute, zapore gozoa eta gurin-usain nabarmena.
"Sobatuak modu tradizionalean egiten dituzten Kantabriako bost ekoizlerekin lankidetzan dihardugu"
Azken urtean 1.300.000 € sobao baino gehiago erosi dizkiegu tokiko ekoizle horiei, eta autonomia-erkidegoaren barruan nahiz kanpoan merkaturatu ditugu; hala, Kantabriako produktu tipikoenetako baten salmenta sustatu dugu.
Paseko sobaoa Kantabriako produktu enblematikoenetako bat da. Baita aspaldikoenetako bat ere; izan ere, mende batez baino gehiagoz egin izan da lurralde horretan eta, zehazki, Paseko eskualdean, Pas eta Pisueña ibaiek eta haien eraginpeko eremuak mugatutako esparru geografikoan. Belaunaldiz belaunaldi transmititutako errezetekin prestatzen dira, gari-irinez, gurinez, azukrez eta arrautzaz egindako ore irabiatua erabiliz, eta gurina da egiteko modu horretan onartzen den koipe bakarra.
Testura trinkoa, apatza eta gurintsua dute, zapore gozoa, eta gurin-usain bereziki nabarmena.
