Duela 15 bat urte hasi ginen OVO12 kooperatibarekin lanean, baina 2014an erabaki genuen haiekin merkaturatzea lehen aldiz hemengo arrautzak, EROSKI markakoak Harrezkero, gure arteko harremana estutzen joan da, proiektuz proiektu. Kooperatibarekin buruz buru landutako sortaren barruan daude oinarrizko arrautzak, landakoak eta lurrean hazitako oiloenak.

Euskaber baserriek ere EROSKI markako landako arrautzak hornitzen dizkigute. OVO12 kooperatibaren laguntzarekin, aurrendariak izan ginen gure markarekin lurrean hazitako oiloen arrautzak merkaturatzen. Tarteko linea bat dira, kaiolan hazitako oiloen arrautzen eta askatasunean hazitako oiloen arrautzen artekoa. Lurrean hazitako oiloak nabeetan daude, eta askatasunez mugitzen dira, hau da, haien mugikortasun naturala errespetatzen da, eta haien behar fisiologikoak soberan betetzen dira. Eta, noski, haien jatorri nafarra guztiz bermatuta dago.

Gure arrautza guztiek freskotasunik eta kalitaterik handiena dute

Reyno Gourmet

EROSKIn, arrautzei buruz hitz egitean, ezin dugu ozenago esan: Nafarroako baserrietan hazitako oiloenak dira Nafarroako EROSKI denda guztietan saltzen ditugun arrautzak Baserri horiek gure dendetatik hurbil daude eta banaketa azkarra eta eraginkorra egiten da; horrela, gure arrautzek freskotasunik eta kalitaterik handiena dute.
2014ko urritik aurrera apustu argia egin dugu: Merkaturatutako arrautza guztiak % 100 nafar oiloetatik datoz. Euskadirekin muga egiten duten denda batzuetan ere Eusko Label arrautzak topa ditzakezu.

"Azken 3 urteetan Nafarroako baserritarrei zuzenean hiru milioi arrautza dozena baino gehiago erosi dizkiegu, eta hori 4 milioi euro eta erdi dira"

Gure hornitzaile nagusiak dira: OVO12 S.COOP korporazioa, EROSKI markaren hornitzaile nagusia; Lizarrako LEGARIA SA baserria, arrautzak zuzenean gure Lizarrako dendara eramaten dituena; eta EUSKABER, S.L., gure dendetako premium arrautzetan Reyno Gourmet zigilua eta Nafarroako Ekoizpen Integratuarena ezartzen dituena.

Baserriko arrautzak dira,Nafarroako baserrietan ongizate-baldintzetan hazitako oiloetatik datozenak. Oilo horiek garapen orekatua izan dute, eta aire zabalean hazitakoak dira. Oiloen dieta kalitatezko zerealetan oinarritzen da, eta % 50 baino gehiago artoan. Ezaugarri horiei kalitate-kontrola, trazabilitatea eta gure banaketaren azkartasuna gehitzen badizkiegu, zapore eta ezaugarri paregabeko arrautzak lortzen ditugu.

Nafarroako arrautzak

Oinarrizkoa sukaldean

Moldakorra eta prestatzeko erraza

Utzi guztiak harri eta zur errezeta gozo-gozoekin, Nafarroako arrautzak osagai nagusitzat edukita!

Nafarroako baserrietan beti ikusi izan ditugu oiloak, eta, belaunaldi askotan, horiek emandako arrautza handiak, gorringo koipetsua dutenak, familia askoren elikagaia izan dira. Gaur egun orduan bezainbeste baloratzen dira arrautza horiek.

Arrautza oinarrizko elikagai bat da gastronomian,
moldakorra, prestatzeko erraza eta kalitate-prezio erlazio bikainekoa. Gure dietan ere funtsezkoa da, nutrizio-balio handia du eta merkatuko proteina-iturri iraunkorrena da, eta aberatsa azido folikoan eta bitamina B12n.