Nafarroako baratzeetako barazkiak EROSKIko dendetara eramaten ditugu, unerik onenean eskaini ahal izateko,freskoago eta kalitate handiagoarekin.
Reyno Gourmet markak eta haren Nafarroako nekazaritzako elikagaien teknologia eta azpiegituren institutuaren (INTIA) elikaduraren atalak bertako produktuen jatorria eta sustapena zaintzen dituzte. Haiekin dugun harremana, 20 urtetik gorakoa, gero eta irmoagoa eta arinagoa da, elkarrekin egindako akordio eta ekitaldi anitzek erakusten duten bezala.
"Hemengoa izatea ona delako, azken hiru urteetan Nafarroako nekazariei tokiko barazkiak erosi dizkiegu 10.219.843€-ko balioarekin, hau da, 9.189.055 kiloren baliokidea"
Nafarroan gehien baloratzen eta goraipatzen diren barazkien artean daude– Tuterako orburuak eta Nafarroako zainzuriak. Tuterako orburua, AGB “Tuterako orburuaren” babespean, Nafarroako Erriberako 33 udalerritan laboratzen da, bereziki Erriberako hiriburuaren eraginpeko eremuan.
Itxura bereizgarria duelako baratzeko lorea izenez da ezaguna, eta Nafarroan “Nafarroako Zuria” delakoan bakarrik laboratzen da. Barietate hau besteetatik ezberdintzen da itxura biribildua eta goiko partean zirkulu-formako zuloa dituelako, hostoak ez baitira burua ixteko elkartzen. Bestalde, 15 eta 20 cm arteko zurtoina dute, eta bi hosto barnean, oso samurra izateaz eta kardilaunik -iledun espeziea- ez edukitzeaz gainera. Abuztuaren hasieran landatzen dira, eta tarteka eta eskuz biltzen dira, zazpi edo zortzi egunera udazkenean, eta sei egunera udaberrian.
AGB “Nafarroako Zainzuriak” Aragoi, Errioxan eta Nafarroan kontseilu arautzaileak kalitatezko ekoizpenerako ontzat ematen dituen lurretan laboratutako zainzuriak biltzen ditu, eta horiek bi kategoriekin merkaturatzen dira: estra eta lehen mailakoa. Nafarroako enbaxadoretzat hartzen direnez, erraz desberdintzen dira ezaugarri hauengatik: kolore zuria, testura leuna, zuntz gutxi edo batere, eta zapore bikaina.
