Arbizu hestebeteen eta pateen enpresa familiarra da, eta hirurogeiko hamarkadaren erdialdetik dihardu lan horretan. Artisau eran lan egiten dute, beren Arbizu produktu-sortaren kalitatea, barietatea eta ezaugarriak merkatuko osatuenetako bat izan daitezen. Zorte handia izan dugu Mailen Maizarekin, enpresako merkataritza-arduradunarekin, hitz egiteko aukera izan dugulako, eta harekin aritu gara jatorriaz, produktuak egiteko teknika tradizionalez eta egungo merkatuan egokitzeko gaitasunaz eta berritzeko beharraz solasean.
Laburbildu ezazu Arbizu enpresaren historia eta filosofia
Arbizu S.L. enpresak 60ko hamarkadan ekin zion bere ibilbideari, eta harrezkero artisau-ikuskerari eusteko lan egin dugu beti, hobekuntza teknologikoek eskaintzen dizkiguten aukerak aprobetxatzeari utzi gabe. Gaur egun, familiaren hirugarren belaunaldia da negozioaren buru, eta egunez egun lanean jarraitzen dute kalitate goreneko produktuak eskaintzeko, baina beti bezala ahaztu gabe gure adinekoek erakutsi zigutena, haiek hasi baitzuten ibilbide hori.
Posible al da tradizioari leial jarraitzea eta haztea? Zein da sekretua?
Argi daukagu zein den gure enpresaren jatorria, eta, gainera, lortzen oso zaila den faktorea badugu: belaunaldiz belaunaldi eskuratutako ezagutza. Gure lurraldera oso errotuta dauden plus bat eta balio batzuk ematen dizkigu, maila pertsonalean zein profesionalean. Guretzat, tradizioarekin leial izatea bizitzeko eta lana ulertzeko modu bat da. Gure lan onarekin aurrera jarraitu ahal izateko, argi dago orain arte gidatu gaituen tradizioari leial jarraitu behar diogula.
Berritzeko eta produktu berriak eskaini ahal izateko lanean jarraitzen duzue. Zein dira Arbizu enpresaren nobedadeak?
Duela urte batzuetatik hona, handitu egin dugu egiten ditugun produktuen sorta, eta, orain, produktu elaboratuen lerro bat daukagu: barazki saltsan edo tomate saltsan egindako txerri-hankak, tomate saltsarekin egindako tripakiak, ardo beltzarekin egindako masailak eta ukondoa zukuan erreta. Produktu berri horiek garatzeko, etxean ezagutu ditugun errezeta tradizionaletan oinarritu gara, kontsumitzaileari betiko zaporeak helarazteko.
Arbizu enpresaren zer produktu ezin da faltatu gure hurrengo ospakizunean
Txistorra da gure erreferente nagusia, beti izan da gure produkturik ezagunena, baina gaur egun egiten ditugun gainerako produktuek, hala nola hirugiharrak eta plater prestatuek, ez diete huts egiten probatzen dituztenei; beraz, produktu sorta zabala dugunez, uste dut mota guztietako ospakizunetara egokitu gaitezkeela, eta are garrantzitsuagoa dena, mota guztietako ahosabaietara.
