Eskerrik asko!

1.200 bazkide baino gehiagok gozatu dute Bazkidearen Egun handiaz. Bertan, azken urtean zehar egin dugun guztia kontatu diegu eta ekitaldiaren emaitzak aurkeztu dizkiegu, umore dosi on batekin.

Ekitaldi hau partekatu nahi izan dugu, EROSKIn, bazkide, kontsumitzaile eta langile garen pertsonek proiektu komun baten kudeaketa partekatzen dugulako.

Hain zuzen ere, gauzak egiteko modu desberdin horri jarraituz, EROSKI Zurekin eraikitzen laguntzen jarrai dezazun eskatu nahi dizugu.

Eskerrik asko EROSKIren eta haren Kontseilu Errektorearen izenean Bazkidearen Egun Handi arrakastatsu bat sortzen laguntzeagatik.

Horrela joan da Bazkidearen Eguna!

Hemen, gainera, bazkideek egin dizkiguten galdera eta oharrekin lotutako gai interesgarriak jorratuko ditugu:

Gehiago jakin nahi dut EROSKIren konpromiso sozialari buruz.

1969an sortu zenetik, kontsumitzaile-kooperatiba bat da Eroski. Beraz, argi dago gizarte-bokazioa duela. Horren adierazle dira kontsumitzaileen bizitza osasungarriagoa eta jasangarriagoa bultzatzeko urtero garatzen dituen proiektuak, komunitatea hobetzeko ekintza sozialeko eta lankidetzako proiektuak eta inguruko produktuen, hornitzaileen eta kulturaren aldeko apustua.

Era berean, berezko markako produktuen kalitate nutrizionalaren hobekuntza, bertako produktuen sustapena, produktu jasangarriagoen aldeko apustua (ekologikoak, ziurtagiri jasangarri egiaztatuak dituztenak…), ontziak eta bilgarriak murrizteko konpromisoa, elkartasunaren esparruko hainbat erakunderekin egindako elkarlana, Eroski Consumerren eta Eroski Fundazioaren elikadura eskolaren bidezko prestakuntza- eta informazio-jarduerak, etab. agerian uzten dute Eroskik gizartea eraldatzeko benetako asmoa duela.

Bazkideek Eroskiren garapen berrietan esku hartzen duten jakin nahi dut

Bazkideek parte hartze nabarmena izaten dute Eroskiren proiektu eta garapen berrietan. Bazkide-kontsumitzaileek zuzenean parte hartzen dute kooperatibaren gobernantzan (Batzorde Kontsumeristen, Kontseilu Kontsumeristaren, Batzar Orokorraren eta Kontseilu Errektorearen bidez), baina baita eguneroko jardueran ere, iritziak entzuteko hainbat bide erabiltzen ditugulako erakundeak garatzen dituen proposamenak eraikitzeko eta baliozkotzeko. Hala, 8.000 kontsumitzailek baino gehiagok parte hartu zuten Osasunari eta Jasangarritasunari buruzko 10 Konpromisoak sortzen eta baliozkotzen; 10.000 baino gehiagok lagundu zuten Eroski markako produktuen etiketa nutrizional gisa Nutri-Score ezartzen; eta 14.000 baino gehiagok egin zituzten Urteko Elkartasun Plana eraikitzeko ekarpenak (plan horren bitartez gizarte-erakundeei bideratutako 2 milioi euro baino gehiago kudeatuko ditugu urtean zehar).

Zer esan nahi du bazkide-kontsumitzaile izateak?

Eroski kooperatibaren gobernantzak bi komunitate hartzen ditu oinarri: bazkide-kontsumitzaileak eta bazkide-langileak. Bi komunitate horiek kontuan hartzeak kontsumitzaileen eta gizartearen beharretara modu eraginkorrean egokitzen laguntzen dio erakundeari. Bazkide-kontsumitzaileak, beraz, bezeroak baino zerbait gehiago dira: bezeroen beharrak asetzeko eta guztion artean ezartzen ditugun jarduera sozial eta solidarioak bideratzeko eta eraikitzeko hartzen ditugun erabakietan parte hartzeko gaitasuna dute. Bazkide-kontsumitzaileen partaidetza, bai sozietate-organoen bidez (Batzar Orokorrean eta Kontseilu Errektorean parte-hartze paritarioa dute) bai dendan eta teknologia berrien bidez iritzia emanez, kooperatibaren bilakaeraren gakoetako bat da, beste erakunde batzuetan gertatzen ez den bezala. Horren adierazle argia dugu, adibidez, Osasunari eta Segurtasunari buruzko 10 Konpromisoak baliozkotzeko, gure markako etiketetan Nutri-Score ezartzeko edo Urteko Elkartasun Plana baliozkotzeko erabakietan izan duten partaidetza ugaria eta irmoa.

Umeentzako tailerrik egingo duzue?

Haurrei bideratutako hainbat jarduera garatzen ari gara. Alde batetik, Eroski Fundaziotik “Hazteko energia” plana abiatu dugu, lehen hezkuntzan elikadurari eta ohitura osasungarriei buruzko heziketa emateko. Bestalde, hainbat urte daramatzagu Katalunian “Elige bien, elige sano” proiektua lantzen, milaka ikasleri prestakuntza emateko. Dagoeneko autonomia erkidego guztietako milaka ikastetxek bat egin dute proiektu horrekin. Eroskik, halaber, haurrentzako beste ekitaldi batzuetan esku hartzen du eskuarki. Ildo horretan, nabarmentzekoa da lurralde elebidun guztietako ikastolek antolatutako euskararen aldeko festetan izaten duen partaidetza: Ibilaldia, Bizkaian; Kilometroak, Gipuzkoan; Nafarroa Oinez, Nafarroan; Araba Euskaraz, Araban, eta Herri Urrats, Iparraldean. Jarduera horiei gure dendetan antolatzen ditugun tailerrak gehitu behar dizkiegu, elikadura eta sukaldaritza osasungarriari buruzkoak. Logikoa denez, pandemiaren ondorioz halako jarduerak eten behar izan genituen, baina pixkanaka-pixkanaka martxan jarriko ditugu berriz, oso argi baitugu haurrei bizi-ohitura osasungarriei buruzko heziketa ematea oso garrantzitsua dela, Eroski Consumerrek berriki argitaratutako Haurren Obesitateari buruzko 2021/2022 txostenak adierazten duenez.

Zenbat proiektu solidariotan esku hartuko duzue aurten?

2022ko elkartasun plana aurkeztu dugu berriki eta horri buruzko hainbat ekintza martxan ditugu dagoeneko. 14.000 bazkide-kontsumitzailek eta -langilek baino gehiagok parte hartu dute haren garapenean. Planean, bazkideek baloratu beharreko 460 proiektu sozial baino gehiago proposatu dira. Gure bazkideen iritzia entzuteko eta haien partaidetza bultzatzeko ariketa sakon honi esker jakin ahal izan dugu gizarteak zer kezka eta eskaera dituen elkartasun-jarduerei dagokienez. Besteak beste, honako kausak eta kolektiboak bultzatuko ditugu, jarduera-esparru bakoitzean lan egiten duten hainbat gizarte-erakunderen bitartez: haurrak, adinekoak, ingurumena eta animalien babesa, gaixotasun arraro eta neurodegeneratiboak dituzten pertsonak, minbizia duten pertsonak eta haien familiak, bazterketa arriskuan dauden pertsonak, errefuxiatuak, hirugarren herrialdeak garatzeko nazioarteko lankidetza, eta genero indarkeriaren biktimak diren emakumeak eta haurrak. Gainera, 2021ean La Palmako Cumbre Vieja sumendiaren erupzioaren kalteak pairatu zituzten pertsonei laguntzeko azkarrak era eraginkorrak izan ginen bezala, 2022an, Ukrainako gerrako kaltetuentzako elkartasuna biltzen eta bideratzen ari gara. Elkartasun-proiektu horiei Eroskiren prestakuntzako eta informazioko ekintzak gehitu behar dizkiegu, baita Zero Hondakin bezalako proiektuak ere. Horren bitartez, kontsumitzeko egokiak diren baina merkataritza-arrazoien ondorioz (adibidez, iraungitze-data gertua izateagatik) saltzen ez ditugun produktuak ehunka gizarte-erakunderi ematen dizkiegu egunero, gizarte-bazterketako arriskuan dauden milaka familiari laguntzeko.

2021ean, 17.400.000 euroko zenbatekoa erabili genuen proiektu sozialak eta solidarioak kanalizatzeko. 2022an, antzeko zenbateko bat lortzea aurreikusten dugu. Kopuru horren erdia baino gehiago (% 55) Eroskik jartzen du bere baliabideen bitartez. Gainerakoa bezeroen ekarpenetik, administrazio publikoetatik eta gizarte-erakundeetatik dator.