Koronabirusarekin bizitzen ari garen kezka orokorraren aurrean, EROSKIko dendetan zer neurri hartzen ari garen jakinarazi nahi dizuegu, gure lantaldearen eta bezeroen osasuna zaindu eta, premia biziko artikuluen hornitzaile garen aldetik, zerbitzua eta kalitatea bermatzeko.

Gainera, behar handiena duten taldeei ere lagundu nahi diegu, bi ekimenen bitartez. Lehena Gurutze Gorriarekin elkarlanean egiten ari garen ekintza solidario bat da, COVID-19aren eraginez kalteberatasun-egoeran dauden haur eta familien alde, haien oinarrizko elikadura, higiene eta garbiketa-premiak estaltzeko, besteak beste. EROSKIk bere bezeroek emandako kopurua bikoiztuko du, eta hasiera batean 50.000 euroko ekarpena egingo du laguntza lehenengo egunetik aktibatu ahal izateko.
Bigarren ekimenaren bidez, 65 urtetik gorakoei dohainik etxera eramango zaie EROSKI supermerkatu eta hipermerkatuetan egindako erosketa (online supermerkatuan egindako erosketak ez dira sartzen).

Une hauetan, EROSKIko langileok ahalegin guztiak egiten ari gara bezeroei laguntzeko. Horretarako, beste neurri batzuen artean, gure dendetako lantaldeak indartu ditugu, orain jarduera hain kritikoa ez duten egoitza sozialetako kideen laguntzarekin.

Egunero osasun-agintariekin harremanetan gaude bizkor eta prebentzioz jardun ahal izateko. Erosketa egitean ohitura batzuk hartzea zein garrantzitsua den informatzeko eta garbiketari, produktuen eskuragarritasunari eta zerbitzuen aldaketari lotutako neurriak jarri ditugu martxan dagoeneko.

Gure zerbitzuak

Egun osoan zehar, adinekoak, desgaitasunen bat dutenak edo haurdun daudenak izaten dira sartzen lehenak gure supermerkatu eta hipermerkatuetan. Gainera, 9etatik 10etara (8:30etik 9:30era Balearretan) lehentasunezko arreta eskaintzen diegu arrandegian, harategian eta urdaitegian, eta lehentasunezko kutxak jartzen ditugu haien eskura.

10:00etatik aurrera, osasun-langileek ere sartzeko lehentasuna dute.

Ordutegi berria:

Hipermerkatuak 9:00etatik a 21:00etara zabaltzen ditugu eta supermerkatuen ordutegia luzatu dugu. Kontsultatu HEMEN zure dendaren ordutegia.

Astelehena, maiatzaren 25etik aurrera, gure hipermerkatuetako sekzio GUZTIAK irekiko ditugu segurtasun-neurri guztiak hartuta, zerbitzu onena eskaini ahal izateko.

Etxera eramatea: etxetik, gure online supermerkatuaren bitartez egin daiteke erosketa. Segurtasun-neurri berriak ezarri ditugu entregetan eta etengabe ari gara gure ahalmena handitzen, eskaerak ere gehitzen ari direnez.

Enkarguak: etxetik kanpo emandako denbora murrizteko modu erraz bat dendan produktu freskoen enkarguak egitea da.

Berriro hasi gara etxetresna elektrikoak etxean entregatzen, baina bezeroen eta instalazio-taldekoen osasuna babesteko honako prebentzio-neurri hauekin:

·  Bezeroa ez da aurrean egongo instalazioa egiten den bitartean.

·  Instalatzaileak prebentzio-neurri guztiak erabiliko ditu: eskularruak, aurpegiko pantaila, maskara eta gel desinfektatzailea.

·  Muntaketa-zona desinfektatu egingo da instalazioaren aurretik eta ondoren.

·  Etxean infektatutako pertsonak edo berrogeialdia egiten ari diren pertsonak egonez gero, entrega etxebizitzako eskailera-buruan egingo da.

·  Instalatzaileak eta bezeroak instalazioa egin bitartean protokolo hau betetzeko konpromisoa hartzen dute. 

·  Honako helbide honetan eros ditzakezu etxetresna elektrikoak: electrohogar.eroski.es

Hornidura

Dendetan produktua bermatzeko, gure plataformen ekoizpen-ahalmena areagotu eta eskaerak berrikusi ditugu, produktu batzuen eskaera masiboari erantzuteko. Eta, produktu zehatz batzuetan eskaera izugarri igo bada ere, saiatuko gara horiek lehenbailehen hornitzen. Ez dugu aurreikusten oinarrizko premietarako hornidura-arazorik izango dugunik.

Egoeraren bilakaerari adi gaude, ager litezkeen beharretara ahalik eta ondoen egokitzeko, betiere agintarien gomendioak eta jarraibideak betez.

Maskarak

Gure dendetan maskarak zure eskura izango ditugu. Erabiltzen irakatsiko dizugu.

Segurtasun-neurriak

Dendetako langile guztiek eskularruak erabili behar dituztela ezarri dugu, eta eskuak soluzio hidroalkoholiko batekin etengabe desinfektatzeko protokolo bat jarri dugu abian. Era berean, prebentzio gisa, produktuak poltsaratzean ez ditugu manipulatuko, eta ordainketa egitean ez ditugu beste elementu batzuk ukituko ere ez, hala nola txartela edo mugikorra. Pertsonen artean tartea mantentzea zainduko dugu. Gainera, kontaktu-gainazal guztiak garbitzeko eta desinfektatzeko zerbitzuak indartu ditugu. Gure lehentasuna gure lankideen eta bezeroen osasuna babestea da.

Martxan jarri dugun azken neurria babes-pantaila batzuk ezartzea izan da, kobratzeko kutxetan bezeroen eta langileen artean kontakturik egon ez dadin.

Inoiz ez bezalako krisi hau hasi zenetik, gure dendetan egon daitekeen bezero kopurua mugatzen ari gara eta segurtasuneko distantzia uzteko protokolo berriak ezarri ditugu erosketan maiztasun eta jende kopuru handiena izaten dituzten ataletako batzuetan (adibidez, arrandegian edo kutxako lerroan bertan). Gainera, astero, dendan bezero gehien eta gutxien dauden orduak jakinaraziko ditugu, eguneko tarte onena aukeratu ahal izan dezazuen erosketa egiteko.

Merkataritzako jarduera

Promozioak eta familien aurrezpena garrantzitsuak dira oraindik ere. Horregatik, betiko prezio-politikari eta ohiko dinamika komertzialari eutsi diegu, oinarrizko produktuetan erosketaren bolumena saritzen duten eskaintzetan izan ezik, produktua bezero guztientzat eskuragarri dagoela bermatzeko.

Gomendioak

Eskerrik asko!

EROSKIko langile guztiak gure onena ematen ari gara, gure profesionaltasun eta ahalegin handiena, eta aparteko esfortzua egiten ari gara guretzat ere zailak diren une hauetan. Harro gaude hori horrela egiteaz, eta gure bezeroen ongizaterako egiten dugu horrela.

Bezeroei eskertzen diegu bizitzen ari garen ohiz kanpoko egoera honetan ulerkorrak izatea.

Guztion ahaleginarekin, gaindituko dugu.

Orain, inoiz baino gehiago, zurekin

Gogoratzen dizuegu arreta-zerbitzuko telefonoa daukagula bezeroen kezkei erantzuteko: 944 943 444

Eta Osakidetzak emandako gomendio nagusiak gogoratzen dizkizuegu: