Horrelakoa da gure pasten sorta. Energia-iturri ona, familia guztien gustukoa eta haurrek ere erraz jaten dutena.

Munduko elikagai ezagunenetako bat dugu pasta, hozkada bakoitzean gozamen-sentsazio ederra ekartzen diguna. Baina zaporeaz harago, zientzia oso bat dago pastaren atzean.

Digestio-osasun egoki bat izateko zuntz-eduki nahikoa dauka eta bihotzaren gaitzak edo diabetesa pairatzeko arriskua murritzen laguntzen digu.

Gainera, jende askok pastak gizentzen duela uste badu ere, koipe urriko elikagai bat da. Egia esan, pastarekin batera jaten ditugun saltsak edo jakiak izaten dira kaloria gehien ematen dizkigutenak: txorizoa, haragi xehatua, hirugiharra…. Barazkiekin konbinatuta da pasta jateko modurik onena, eta bihi osokoa bada, askoz hobe!

Jakingo duzunez, pasta mota ugari daude: klasikoak, gourmet erakoak, bihi osokoak, ekologikoak… eta horiek prestatzeko modu are gehiago.

Pasta egostea gauza sinplea da, mundu guztiak egiten dakiena, ezta? Edo hori uste dugu, behintzat.

Jarraitu irakurtzen eta aurkitu gauzak ondo egiten dituzun egiaztatzeko eta pasta maisu-mailan prestatzeko hainbat gomendio eta trikimailu erraz.

Edozein familia italiar ikaratuta utziko luketen zenbait “akats” tipiko

Ura irakiten hasi denean bota behar da pasta, eta ez lehenago

Egosketa-denbora zenbatzeko, pasta ur irakinetan botatzeko unea hartu behar da kontuan, eta ez uraren bigarren irakinaldiaren unea. Pasta freskoa bada, bi edo hiru minutu nahiko izango ditugu. Pasta lehorra bada, ordea, paketeak adierazitako epea hartu behar dugu kontuan; normalean, hamaika edo hamabi minutu, pasta-mota, marka… eta abarren arabera.

Espagetien egosketa moztea, akats barkaezina

Akats handia da pasta txorrotatik pasatzea eta haren egosketa moztea, baldin eta pasta-entsalada bat egin nahi ez badugu. Izan ere, pastaren egosketa-prozesuak platerean edo eltzean jarraitzen baitu nolabait. Trikimailu on bat da prestatzen ditugun saltsetan egosketa-uraren koilarakada bat botatzea. Mesedez, ez moztu espagetiak erditik; biguntzen direnean, erraz sartuko dira eltzean.

Uretan ez da oliorik bota behar

Gure gurasoek olio apur bat botatzen zuten uraren eltzean, pasta itsatsi ez zedin, ura irakiten jarri aurretik. Baina Italian (eta haiek dira gai honetan benetako maisuak), ez dute pasta alferrik koipeztatzen; eltze handi bat aukeratu eta pasta behin eta berriro eragiten dute.

Ez da gatza erantsi behar ura sutan jartzean

Ura irakiten hasten denean baizik. Bota gatz-eskukada handi bat eta ez kezkatu, ura beherala hasiko baita berriz irakiten.

Pasta saltsan bota behar da, eta ez alderantziz.

Italian ez dute inoiz saltsa pastaren gainetik botatzen. Alderantziz egiten dute. Eltze batean saltsa prestatzen dute, gazta eta guzti, eta pasta bertan botatzen dute. Gero, nahasketari eragiten diote uniforme eta perfektu geratu arte.

Pastaren forma bakoitzak…

Arrazoi bat dauka. Tamaina txikiko pasta zopak egiteko ezin hobea da, zinta luzeak saltsa krematsuetarako, formarik bitxienak entsaladetarako eta pastarik handiena beste osagai batzuekin betetzeko.

“Al dente” ez da txikle bat bezala

Pasta gehiegi egosten badugu gutxiago asetuko gaitu, haren testura galduko dugu eta azukre gutxiago eta kaloria gehiago emango dizkigu. “Al dente” egositako pastak, alegia, barrutik apur bat gordin utzitakoak, gehiegi egositako pastak baino karbohidrato eta bitamina gehiago eskaintzen dizkigu, egosketan zehar nutrienteak galtzen dituelako. Italiarren arabera, pasta “al dente” puntuan dago hautsi barik hozkatu dezakegunean eta nolabaiteko erresistentzia izan arren jateko moduan dagoenean. Pasta jateko modurik osasuntsuena da “al dente” era. Modu horrek azukre-maila egonkorragoa mantentzen laguntzen digu eta denbora luzeagoz uzten gaitu asebeteta, denbora gehiago behar dugulako “al dente” pasta digeritzeko.

Pasta xukatzeko teknikarik eraginkorrena

Ziur xukadera harraskan jarri eta egositako pasta duen eltzea haren gainean iraultzen duzula, ura zulotxoetatik iragazten dela ikusten duzun bitartean, ezta?

Gaur, metodo askoz errazago eta eraginkorrago bat erakutsiko dizugu. Ura harraskatik bota baino lehen, xukadera eltzearen gainean jarri behar dugu. Saiatu eltzearen antzeko tamainako xukadera bat izaten, ur-jario arriskutsuak ekiditeko.

Hori egin ondoren, eltzearen ura harraskan bota besterik ez dugu. Modu horretan, ur guztia eltzetik aterako dugu, bidean pastarik galdu gabe, eta zipriztin espontaneo desatseginak saihestuko ditugu. Bestalde, ez dugu pasta berriz eltzera pasa beharko, saltsarekin nahasteko.

Dena ondo egiten zenuen edo gauzaren bat zehaztu behar zenuen?

Pasta-aditu bat zara jada. Orain, errezeta hauekin praktika dezakezu:

Gure dendetan 300 produktu baino gehiago aurki ditzakezu zure gogokoena aukeratu dezazun.

Gure pasten gama osoa supermerkatu online-an aurkitu dezakezu.

Buon appetito!