Duela ia 50 urtez geroztik, EROSKIn uste dugu denda dela elikadura ona eta kontsumo arduratsuagoa sustatzeko aukera ematen digun lekua, bizi kalitatea eta gizartearen garapen jasangarria hobetuz.

Gaur, konpromiso historiko hori berresten dugu 5.000 pertsona baino gehiagoren parte-hartzearekin prestatu dugun dekalogoarekin, bazkide, langile eta bezeroen artean. Hamar konpromiso dira, benetan inporta zaizunaren inguruan. Jarraitu beharreko bidea erakusten diguten hamar konpromiso, konpromiso orokor batean laburbildu daitezkeenak: Betidanik eta betirako, osasunarekin eta iraunkortasunarekin konpromisoa.

1. Elikagaien segurtasunarekin inplikatzea

Pertsona guztiok izan beharko genuke elikagai seguruak eskuratzeko aukera. Horregatik, EROSKIn produktuak zaintzen ditugu jatorritik dendara arteko bide osoan, eta 11.000tik gora elikagaien kalitate-analisi egiten eta 400 hornitzaile baino gehiago ikuskatzen ditugu urtean. Informazio gehiago

2. Elikadura orekatua sustatzea

Ondo jaten laguntzen dizugu hobe bizi zaitezen. Elikadura osasuntsu eta orekatu baten oinarri izan behar diren elikagaien kontsumoa sustatzen dugu: frutak eta barazkiak, oliba-olioa eta fruitu lehorrak edo esnekiak eta arrain zuriak, besteak beste. Eta gure berezko markaren produktuetan, gatz, azukre eta koipe ase kopurua murrizten dugu, gehiegi kontsumituz gero osasunerako kaltegarriak direlako. Informazio gehiago

3. Haurren gizentasuna prebenitzea

Gure herrialdean, azken 40 urteetan 10 bider ugaritu da haurren obesitate-tasa. Argi daukagu ohitura onak txikitan ikasten direla; horregatik, 2025erako bi milioi eta erdi haurri eta haien familiei erakutsiko diegu ondo jaten. Informazio gehiago

4. Nutrizio-behar espezifikoei arreta ematea

Behar espezifikoak dituzten pertsonek (adibidez, zeliakoak) gure dendetan elikatzeko behar duten guztia aurkitzea nahi dugu. Horregatik, glutenik gabeko 3.000 produktu ere eskaintzen ditugu. Horietako 550 EROSKI markakoak dira. Eta %30 merkeagoak dira beste marken aldean. Informazio gehiago

5. Kontsumo arduratsua sustatzea

Elikadura arduratsuak jasangarria ere izan behar du. Horrek esan nahi du gure denda eta prozesuetan ingurumen-inpaktua murriztea, jaki ekologikoak bultzatzea, gure marken produktuak eskaintzea genetikoki eraldatutako organismorik gabe, eta animalien ongizatea eta giza eskubideengatiko errespetua zaintzea. Eta, noski, solidarioak izatea: 2017an soilik, 4.700 tona elikagai baino gehiago eman genizkion 48 gizarte-erakunderi. Informazio gehiago

6. Bertako produktu gehiago eskaintzea

Funtsezko ardatza da guretzat gure ingurunearen garapen soziala eta ekonomikoa. Eta helburu horrekin, 2.000 ekoizle txiki baino gehiagorekin elkarlanean gabiltza, gure dendetan tokiko 20.000 produktu baino gehiago eskaintzeko. Ez duzu beste inon zure eskualdeko produktu gehiago aurkituko. Informazio gehiago

7. Osasuntsu jaten laguntzea, prezio onean

Irmoki sinesten dugu dirua elikadura osasuntsu eta orekatu batez disfrutatzeko arazoa ez dela izan behar. Hortaz, aukeratzen laguntzen zaitugu eta premiazko produktuetan prezio onak eskaintzen dizkizugu, gure bazkideak eta gainerako bezeroentzako deskontu, eskaintza eta sustapenekin. Informazio gehiago

8. Argitasunez eta gardentasunez jardutea

Konpromisoa hartzen dugu modu argian eta gardentasunez gure proposamen komertzialarekin zerikusia duen guztiaren berri emateko (produktuen etiketatzea, liburuxkak, aldizkariak, iragarkiak…) eta aukerarik onenak gomendatzeko, zure erosketarekin gustura gera zaitezen. Y, jakina, esan behar diguzun guztia entzuteko. Informazio gehiago

9. Langile garen aldetik gure burua zaintzea

EROSKIn prestakuntza jasotzen dugu osasunaren, ongizatearen eta kontsumo arduratsuaren arloan, bezeroari merezi duen arreta emateko. 2017an soilik, 6.300 pertsona baino gehiagok prestakuntza jaso dugu, 122.000 prestakuntza-ordutan.  Informazio gehiago

10. Bizimodu osasungarriagoa sustatzea

Bezeroa ondo prestatuta eta informatuta dagoenean, modu arduratsuan kontsumitzen du eta bere interesak defendatu eta babestu ditzake, gehien komeni zaizkion erosketa-aukerak eginez. Duela 40 urte baino gehiagotik, osasunaren eta jasangarritasunaren inguruko kalitatezko informazioa eskaintzen dugu 5 milioitik gora irakurle dituzten EROSKI Consumer aldizkarian eta webgunean. Gainera, gure aholkularitza-programa pertsonalizatua landuko dugu, Eroski Clubeko 500.000tik gora bazkideengana iristeko. Informazio gehiago