Esne-aukera oso zabala da: betikoak
(behiarena: osoa, gaingabetua…), aberastuak, laktosa gabekoak… Zein aukeratu? Zure beharretara hobekien egokitzen dena aukeratzen lagunduko dizugu.

Esnea kaltzio-, bitamina-, proteina-, koipe- eta karbohidrato-iturri (laktosa batik bat) ona da. Onura asko ditu eta, esne-proteinari alergia edo esnea hartzea eragozten duen gaixotasunen bat eduki ezean, produktu egokia baita dieta orekatu bat edukitzeko.

Eroskin esne-eskaintza osatu eta askotarikoa daukagu, behar oro asetzeko modukoa, hala nola esne aberastua, adibidez, kaltzioarekin (osoa, erdigaingabetua edo gaingabetua), oso egokia dena hezurren mineralizazioan funtsezko elementu horren ekarpen osagarri bat behar dutenentzat. Edo Omega 3 duen esnea. Koipe-azido horiek bihotzak normal funtzionatzen laguntzen dute (egunean 250 mg hartu behar dira, onura hori lortzeko). Eta laktosarik gabeko esnea arindu ederra da esnearen azukre natural hori toleratzen ez dutenentzat.

Zein ote da esne mota egokiena guretzat? Esneei buruzko informazio orokor gehiago emango dizugu. Gogoan hartu:

• Urtebetetik aurrera sar daiteke haurtxoen dietan.
• Ez da hartu behar behi-esnearen proteinari alergia edukiz gero.
• Laktosa-intolerantzia izanez gero, ez da hartu behar edo “laktosarik gabeko” bat aukeratu behar da.
• Ez da gomendatzen arazo gastrikoren bat edukiz gero (gastroenteritisa, gastritisa…), digestio zailekoa delako.

Behi-esne mota nagusiak dute koipe kopuruaren arabera sailkatzen dira.

• Esne osoa: esne oso gehienek % 3,6 koipe edo gutxiago dute. Egokia da 1 urtetik gorako haurrentzat eta, oro har, jende gehienarentzat, gastritis edo intolerantziak ez badute behintzat.
• Esne erdigaingabetua: Gehien kontsumitzen den aldaeretako bat da. % 1,5 eta 1,8 arteko koipea eduki ohi du. Eta egokia da 1 urtetik gorako haurrentzat eta, oro har, jende gehienarentzat, gastritis edo intolerantziak ez badute behintzat.
• Esne erdigaingabetua: % 0,5 koipe baino gutxiago du, eta aukera ona da esne osoaren zaporea baino zapore leunagoa gustuko dutenentzat.

Gure dendetan esne mota bakoitzaren aukera zabala aurkituko duzu, eta gainera, gure markako bertako esnea ere aukeratu ahal izango duzu, animalien ongizate-ziurtagiriarekin eta ingurumena errespetatzen duen ontzi jasangarriago batean.

ABERASTATUTAKO BESTE ESNE BATZUK, LAKTOSARIK GABEKOA…

Esne aberastuak: elikagai-intolerantziaren bat badugu, kaltzioarekin, omega 3rekin, magnesioarekin, zuntzarekin, bitaminekin eta abarrekin aberastutako esneak aukera ditzakegu. Baina kasu horietan soilik; osasun-arazorik ez badugu,
hobe da horrelako esne bat edan beharrean, esne osoa edo erdigaingabetua hartzea.

Laktosarik gabeko esneak: laktosa-intolerantzia dutenek laktosarik gabeko esnea kontsumitu behar dute. Esne horrek esne normalaren elikagai berak ditu. Aldatutako esne bat da, eta laktasa gehitzen zaio, azukre hori unitate errazago bihurtu (glukosa eta galaktosa) eta errazago xurgatu ahal izateko. Eroskin soluzio bat daukagu behar bakoitzerako, eta horregatik, laktosarik gabeko esne osoa, erdigaingabetua edo gaingabetua izango dituzu aukeran.

*Haurdunak: D bitaminan, kaltzioan eta azido folikoan aberastutako esne osoa edo erdigaingabetua.

*Seniorrak: gomendagarria litzateke D bitaminan eta kaltzioan aberastutako esnea hartzea.

Haur txikienen kasuan, urtebetetik aurrera gehi dakieke behi-esne osoa dietan.

Ondorengo etapetan, esne eta esneki osasungarriak aukeratzea da garrantzitsuena: naturalak, gehitutako azukrerik gabekoak, eta guk ere azukrerik gehitu gabe.

Gogoratu kaltzio-behar horiek mineral hori asko duten beste elikagai batzuekin ere osatu dezakegula, adibidez, fruitu lehorrekin, hezur bigunak jaten dizkiegun arrain txikiekin (sardinak eta antxoak, batez ere, kontserban daudenak), lekariekin (sojak du kaltzio gehien), hosto berdeko barazkiekin (errukula, berroak, espinakak, sesamo-haziak, lihoa) eta zenbait itsaskirekin (olagarroa, txipiroia, txirlak, ganbak, berberetxoak…).