Hozkailu eramangarriak modu ona dira elikagaiak hotz mantentzeko, aire librean jaten denean.

Etxetik kanpo jateko janaria prestatzean, arreta jarri beharreko elikagaiei buruzko behar batzuk planteatzen dira: garraioa, behar diren tresnak eta, batez ere, nola mantendu hotza behar duten elikagaiak. Azken hori ezinbestekoa da, batez ere udan, giro-tenperatura altua denean eta, beraz, arriskuak handitzen direnean. Merkatuan aukera ugari dago: izotzezko hozkailuak, poltsa isotermikoak… Denek balio dute berotu ez dadin eta patogenorik haz ez dadin.  Artikuluan azaltzen da nola erabili behar diren hozkailu eramangarriak, aire zabaleko otorduetako erreginak, baita aire zabalean jatean kontuan izan beharreko beste arreta batzuk ere.

Tenperatura altuekin: jarduera gehiago egiten dira aire zabalean, hala nola, barbakoak eta piknikak. Eta horrekin batera, elikagaietan bakteriak azteko arriskua areagotzen da. Beti, baina batez ere udan, ezinbestekoa da hotz-katea ez apurtzea, txangoa gaizki amaitzea nahi ez bada. Beraz, higieneari buruzko oinarrizko lau arauak gordetzea komeni da: garbitu, bereiztu, egosi eta hoztu. Guztiak dira funtsezkoak, baina kontuan izan behar da, udan, beroak azkarrago gal ditzakeela behar bezala hozten ez diren elikagaiak. Beraz, gomendagarria da giro tenperaturan egon diren elikagai galkorrak ez kontsumitzea. Baina badira hozkailurik gabe ere elikagaiak fresko mantentzeko moduak. Hozkailu eramangarriak dira udako protagonistak, aire zabalean otorduak prestatzen direnean.

Hozkailu eramangarriak, pikniketako erreginak

Funtsezkoa da elikagaiak tenperatura egokian mantentzea prestatzean eta garraiatzean, tenperatura beroen eraginez janaria bakteriak sortzeko eremu egoki bihurtzen baitira. Agian hozkailu eramangarri zurrunak dira aukera erabilienetako bat eta baita gomendatuenak ere hotz gehien behar duten elikagaiak mantentzeko.  Izotz-paketeak dituzte (izoztutako blokeak edo izotz-poltsak) eta hotza mantentzen dute hainbat orduz.  Badira entxufea duten hozkailuak ere, autora konekta daitezkeenak.

Izotz-kubotxoak edo -poltsak ez erabiltzea gomendatzen da denbora pasa ahala urtzen joango direlako eta ur-putzu bat eratuko delako, eta ez da komeni ur-putzu horrek elikagaiak ukitzea. Behar ez denean irekitzea saihestuko da, irekitzen den bakoitzean hotza ez galtzeko. Kontuan izan behar da izotz-kubotxoak hotza mantentzeko direla, ez elikagaiak hozteko. Gainera, kubotxoak urtu ostean, elikagaiak ez daude seguru.

Haragi edo arrain gordina bezalako produktuak hozkailuaren behealdean jar daitezke, gainerako elikagaiak kutsa ditzaketen zukurik ez ateratzeko.

Garraiatzean, hozkailua autoko zatirik freskoenean jarriko da (aire egokitua ere piztu daiteke hotza mantentzeko), eta ahal dela ez da utziko maletategian.

Jango den tokira iristen denean, hozkailu autotik aterako da (auto barnean tenperatura altuak izan daitezke eta guztia alferrik galduko litzateke) eta itzaletan utziko da. Gainera, ez da irekiko behar ez denean, irekitzen den bakoitzean hotza galtzen delako. Elikagaiak hozkailuan ongi mantentzen diren jakiteko modu bat izotza ez dela guztiz urtzen eta ukituta elikagaiak fresko daudela kontrolatzea da.

Hotza mantentzeko beste modu bat, kasu honetan edariak, izoztea da, eta horrela, denbora igaro ahala, urtzen joango dira eta edateko fresko izango dira.

Produktuarekin erabiltzea posible balitz, poltsa isotermikoakere erabil litezke, ez dira hozkailuak bezain eraginkorrak eta gogorrak, baina nahikoa da ogitartekoak bezalako prestaketetarako.

Gainera, badira izotz-barrak ere, izozten diren kantinplora antzekoak; plastiko gogorrezkoak direnez, hotza denbora luzez mantentzen dute.

Aire zabalean jaten dugunerako kontuan izan beharreko beste ardura batzuk

Tenperaturaz gain, etxetik kanpo jaten denean, beste gauza batzuk ere hartu behar dira kontuan, txangoa seguruagoa izan dadin. Kontuan izan behar da germenak oso erraz zabaltzen direla esku zikinen, tresnen edo elikagai gordinen bidez. Beraz, ziurtatu beharko da haragia bezalako elikagai gordinak eta entsaladak bezalako kontsumitzeko prest daudenak bereizita mantentzen direla. Kontuan hartu beharreko beste gauza batzuk:

• Planifikatu eramango den elikagaien kopuru zehatza, horrela elikagai gutxiago gelditu baita soberan.
• Eskuak garbitzea funtsezkoa da, baita tresnak garbi mantentzea ere.
• Ez utzi elikagaiak giro-tenperaturan ordu erdi baino gehiago.
• Kontuz ibili haragiarekin, ongi egin eta ez utzi bakteriak egon daitezkeen zati gordinak. Era berean, kontuz arrautzekin eta arrautzekin prestatutako jakiekin.
• Ez jarri inoiz egositako elikagaiak lehen produktu gordinak egon diren platerean.
• Garbitu frutak eta barazkiak prestatu baino lehen. Azala duten frutak ere (meloiak, esaterako) garbitu egin behar dira, gainazaleko bakteriak barnean sar baitaitezke ebakitzean.
• Gertu ez baduzu ur edangarria duen iturririk, etxetik eraman beharko da, baita papera  ere.