Zenbait egunerako zopa edo salda asko egiteak badu erronka bat, hoztearena.

Negua urte-sasoi egokia izaten da zopa beroa hartzeko. Baina kopuru handia prestatuz gero, elikagaien segurtasun arazoak izan ditzakegu: hoztea. Elikagaiek igorritako gaixotasunen arrazoirik nagusienetakoa hotzean behar bezala ez mantentzea da. Gainera, kontuan izan behar da elikagai bat baino gehiago erabiltzen direla eta bakoitzak manipulatzeko behar jakin batzuk dituela. Zoparik gehienak egiteko ura, barazkiak eta oilaskoa erabiltzen dira, besteak beste. Artikulu honetan azaltzen da ur askotan elikagai desberdinak nola nahastu daitezkeen arriskurik gabe eta gero nola hoztu eta izoztu daitekeen salda seguru.

Negua sasoi egokia da ontzikada handi bat zopa egiteko. Erraz egiten da, ekonomikoa da eta bakoitzak nahi bezala egin dezake. Oinarrizko osagaietako batzuk hauek dira: apioa, tipula edo azenarioa. Gero haragia, hegaztiak edo produktu aromatikoak ere erabili daitezke, erramua edo ezkaia, esaterako. Plater honen oinarrian ura dago eta gero osagaiak botatzen dira uretara. Plater hau modu seguruan egiteko funtsezko faktoreetako bat edateko ura erabiltzea da, patogenorik gabea, kalterik ez duena, eta gero gainerako osagaiak botako dira uretara, aurrez garbitu eta manipulatu ondoren.

Bota elikagaiak ur askotara.

Salda etxean egiten denean, plater goxo bat prestatzeaz gain, beste elikagai batzuk aprobetxatu ditzakegu, hala nola, barazkiak, haragiak edo arrainak. Porruak, azenarioak edo tipulak eta haragia, hegaztia edo arraina ur ugaritan jartzen dira eta egosteko prozesua hasten da. Prozesu hau aldatu egiten da osagai moten arabera. Erabiliko diren osagaiek kalitatezko gutxieneko irizpide batzuk bete behar dituzte, batez ere, gehienak janari hondarrak izaten direlako. Beraz, zimeldutako barazki zatiak kendu behar dira eta usain txarra duten haragi eta arrainak ere bai.

Hondarrak beharbada oso osasungarriak ez direla uste izanez gero, hobe da botatzea. Arrainak eta itsaskiak erabili daitezke salda egiteko, baina erraz galtzen dira eta oso erraz kutsatu ere bai, beraz, arreta berezia izan behar da horrelakoetan.

Segurtasunez hoztu eta izoztu

Zopa asko egiten bada zenbait egunean hartzeko, hozkailuan ez da 3-4 egun baino gehiago mantenduko. Epe honetan ez dela kontsumituko kalkulatuz gero, hobe da izoztea. Funtsezkoa da giro-tenperaturan bi egun baino gehiago ez egitea. Lapiko handi osoa ez da hozkailuan sartuko, hobe da ontzi txikiagoetan sartzea, horrela hozkailuan errazago kabituko baitira. Honi esker, errazago hoztu ere egingo da hozkailuan sartu aurretik.

Izoztu behar izanez gero, prozesua erraza da: osagaiak uretan sartu eta egosi ondoren, iragazi eta likidoarekin geratuko gara eta solidoak (oilasko-hezurrak esaterako) edo barazkiak kenduko ditugu. Barazkiak birrindu daitezke nahi izanez gero, eta gero izoztu. Dela likidoa izan dela barazkiak edo haragia aprobetxatu eta birrindu, izozteko ontzi txikiagoak edo handiagoak erabili daitezke, lehentasunen eta erabileraren arabera. Dena dela, izozkailuan sartu aurretik hozten utzi behar da; hala egiten ez bada, izozteko denbora gehiago behar izateaz gain, berarekin kontaktuan egon daitezkeen produktuak desizoztuko ditu, izozkailuko tenperaturak gora egingo bailuke eta hotzaren katea autsi.

Salda ontzi hermetikoan edo dagokion batean (izotz koskorrak egiteko poltsak) ontziratu behar da, balizko kutsaduretatik babesteko, likidorik ez galtzeko eta airearekin kontaktuan egon ez dadin. Salda likidoa bada, dilatatzeko tokia utzi behar zaio izozkailuan. Gomendagarria da ontzi horretan noiz izoztu zen adieraztea, eta hiru hilabete baino lehenago kontsumitzea. Erabili behar denean, hozkailuan desizoztu behar da (mikrobioak garatzetik babesten du hotzak) eta gehienez ere 24 orduan kontsumitu. Ezingo da berriro izoztu.