Hotza iristen denean, naturak bere argitasuna ateratzen du, eta jakitokia benetako altxorrez betetzeko aukera oparitzen digu. Urtaro bakoitzak gu elikatzeko eta indarberritzeko osagai bereziak dakartzala gogorarazten digute neguko barazkiek, hala nola tipulak, bere geruzekin edozein errezetari sakontasuna ematen dionak; porruek, platerak gozamen zoragarri bihurtzen dituztenek, edo aza gorriak eta bruselazek, sukaldea kolorez eta izaeraz betetzen dutenek. Sasoiko altxor batzuk aurkeztuko dizkizugu, freskoak zein izoztuak, haragi zuriak –untxia, oilaskoa eta indioilarra– eta, zergatik ez, fruitu lehor ezin hobeak; elikadura orekatua eta gozoa izan dezazun, beti prezio onean.

Ñabarduraz jositako oinarrizko osagai bat

Tipula oinarrizko osagai bat baino askoz gehiago da. Tipularik gabe, etxe-etxekoak iruditzen zaizkigun zapore asko ez lirateke existituko. Tipula mota bakoitzak bere izaera ematen dio sukaldaritzari, edozein errezeta indartuz; tipulatx delikatutik hasi eta tipula horiraino. Gainera, kaloria gutxi dituzte, antioxidatzaile eta C bitamina ugari, eta diuretiko natural bat, toxinak kanporatzen laguntzen duena. Gure EROSKI frutategietan aurkituko dituzu: ontziratu gabe, 500 g eta 2,5 kilo arteko sareetan, zurituta eta zugandik hurbil bilduta, azken horiek zure eremuko bereizgarrien bidez identifikatuko dituzu.

• Tipula horia

  Zapore bizia du eta apur bat pikantea da gordinik janez gero, kozinatzean gozoa eta leuna da. Testura sendoa du, geruza lodi eta kurruskariekin. Ezin hobea frijitu, salda eta gisatuetarako.

• Tipula gozoa

Zapore leunekoa, ia pikante ukitu gabea. Samurra eta mamitsua. Digestioa ondo egiteko onena da, konposatu sulfuroso gutxi dituelako. Itzela entsaladetarako eta errezetetan gordinik erabiltzeko, baita olio eta belar txorrotada batekin osorik erretzeko ere.

.

• Tipula gorria

Horia baino leunagoa, ukitu gozo eta ez hain pikante batekin. Gordinik kurruskaria, geruza finagoekin eta ez hain lodiekin. Itzela entsalada, saltsa eta cebicheetarako. Proba ezazu limoi eta gatzarekin marinatuta, zure platerei ukitu freskoa emateko. Buti formatu hau, kilo batekoa, tamaina ezin hobea da sukaldean beti eskura izateko. Gainera, beti prezio onean egoten da.

• Tipulina

Zapore leun eta delikatua du, eta baratxuri samurra gogorarazten duen ukitu freskoa. Testura kurruskaria du alde zurian, eta samurragoa zurtoin berdeetan. Udaberrian eta udan dago bere momenturik onenean.

• Tipulatxa

Tipularen gozotasuna baratxuri ukituarekin konbinatzen duen zapore fina. Beste tipula batzuek baino ur gutxiago du, eta haragitsua eta konpaktua da. Ezin hobea saltsen oinarrietarako edo osorik erreta, arrain eta haragiekin

• Tipulatxo frantsesa

Zapore gozoa eta delikatua, garraztasun puntu batekin. Testura konpaktua, samurra eta mamitsua kozinatzean. Bikaina gisatu eta saltsetarako, edo karamelatua, osagarri gisa. Zartagin batean glasatu dezakezu gurinarekin eta azukrearekin, haragi platerei laguntzeko.

Izoztutako barazkiak, freskotasuna bere unerik onenean

Izoztutako barazkiak soluzio praktiko bat baino askoz gehiago dira: natura puruenaren isla dira. Heldutasun puntu egokian bilduta eta berehala izoztuta, zapore, testura eta mantenugai guztiak mantentzen dituzte, baratzetik atera berri balira bezala goza ditzazun.

Leka lauak eta biribilak, barazki-menestrak, espinakak, bruselazak, orburuak eta azalorea, baita dagoeneko ebakita dauden eta zure errezetak egiteko prest dauden barazkiak ere. EROSKI izoztutako barazkiak unerik onenean biltzen dira, eta sektoreko enpresa liderrek ultraizozten dituzte. Eta guztiz naturalak dira, ez baitute ez gehigarririk ez kontserbagarririk.

Ilar samur-samurrak eta Nafarroako eta Murtziako orburu bihotzak. Basque Culinary Centerrek probatutako zapore ugari! EROSKI SELEQTIA barazkiak bildu eta 24 ordu baino lehen ultraizozten dira; hala, freskotasun eta zapore guztia bermatzen dute. Ezin dute freskoagoak izan!

Haragi zuriak, funtsezkoak dieta orekatu baterako

Hegazti- eta untxi-haragiak “zuriak” deiturikoen taldekoak dira. uste duzuna baino askoz gehiago eskaintzen dizun aukera osasungarria da; izan ere, gantz gutxi dituzte, balio proteiko handia dute eta digestio erraza dute. Gure harategian hainbat modutara moztuta aurkituko dituzu; aukeratu behar duzun errezetaren eta prestaketa motaren araberakoa. Osorik edo xerratan, hezurgabetuak, izterrak, hegaltxoak, urdaiazpikotxoak…

Indioilarrak kalitate handiko proteina ugari eta gantz gutxi ditu, dieta orekatua mantentzen dutenentzat ezin hobea da. EROSKIn errezeta mota guztietarako mozketa motak aurkituko dituzu, bularkiak, txuleta, azpizuna eta indioilar erregosia:

Untxia da haragi zuri arinena eta kolesterol gutxien duena. 100 gramoko 5 mg kolesterol baino gutxiago dauka, oilaskoak baino askoz gutxiago. Gainera, haragi zuri ekologikoena da, bere hazkuntzak ingurumenean eragin txikiagoa baitu beste batzuekin alderatuta.

Gure EROSKI Natur untxia aurkezten dizugu:

Eta EROSKI untxia, zatituta, saiheskitan, gisatzeko eta barbakoarako… Errezeta mota guztietarako aukera zabala duzu.

EROSKIn eskaintzen ditugun hegazti eta untxi haragiek Animalien Ongizatearen ziurtagiria dute. Ziurtagiri horrek ekoizpen etikoa bermatzen du, eta hainbat alderdi ebaluatzen ditu, hala nola animaliaren elikadura, ostatua, osasuna eta portaera.

Aperitibo osasungarria: fruitu lehorrak

Gantz osasungarri, proteina, zuntz, bitamina eta mineralen iturri bikaina dira. Gozatu osasun pilula hauetaz otordu artean snack gisa –eskukada batekin nahikoa da–, entsaladetan, jogurtetan edo irabiakietan, edo erabili zure errezetetako osagai gisa.

Osasungarrienak gordinik dira, eta ondoren, txigorturik, bero prozesu baten ondorioz, hezetasunaren zati bat galdu dute, eta testura kurruskaria dute. Gatzarekin edo gabe. Eta hirugarrenik, frijituak daude: olioarekin prozesatu direnez, kaloria gehien dutenak dira.

Eta beti preziorik onenean

Urtarrileko aldaparen ondoren, EROSKIn otsaila, martxoa, apirila… Hilabete guztiak aurrezten jarraitzeko dira. Zuk aurrezten jarraitzea nahi dugu, eta 70 euro baino gutxiagoren truke orga betetzea, urte osoan dieta orekatua egin ahal izateko behar dituzun produktuekin.

Gainera, eskura ezazu gure hilabete honetako EROSKI club aldizkaria, negu honetako ezinbesteko produktuei buruzko informazio guztiarekin.