12 / Glutenik gabe

Eritasun zeliakoa, glutenarekiko jasanezintasuna

Egindako kalkuluen arabera, Espainian 450.000 lagunek dute eritasun zeliakoa. Gaitz hori edozein adinetan ager daiteke eta glutenarekiko betiko jasanezintasuna eragiten du.

Gariak, garagarrak, zekaleak eta, agian, oloak duten proteina bat da glutena. Hortaz, zereal horiekin egindako irinek ere badute proteina hori.

Zeliakoek oso bizimodu normala egin dezakete, euren dietatik glutena baztertzen badute. Normalean, elikagai landuetan egoten da glutena.

EROSKI eta FACE elkarlanean ari dira zeliakoei irtenbideak emateko

Haien ahalegin bateratuari esker, EROSKI markako glutenik gabeko produktuen eskaintzak elikagai multzo nagusiak barne hartzen ditu dagoeneko.

EROSKI buru-belarri ari da Espainiako Zeliakoen Elkarteen Federazioarekin (FACE) elkarlanean “Glutenik gabeko dietaren alde” izeneko programan, EROSKI dendetan eskainitako glutenik gabeko produktu sorta zabaltzeko xedez.

Programaren zutabe nagusiak honako hauek dira: produkzioaren kontrola eta berariazko etiketatzea.

EROSKI Laborategiko kalitatekontrolak

Zeliakoek lasai-lasai kontsumi ditzakete “Glutenik gabe” zigilua daramaten EROSKI markako produktuak.

Gure laborategian egindako kalitatekontrol zorrotzek berme guztia ematen diete zeliakoei “Glutenik gabe” zigilua daramaten EROSKI markako produktuak lasai kontsumitzeko.

Produktu horien fabrikazio-prozesu bereziaz eta urteko kontrolez gain, kalitatea ere bermatzen duen programa ezarri du EROSKIk.

Nola? Dendan erositako produktuen lagin errealen gainean aldian behin egindako kontrolen bidez, glutenik gabeko produktuen kalitaterik handiena bermatzeko helburuz.

Hornitzaileekin hitzarmena

“Glutenik gabeko dietaren alde” programaren arabera erabilitako fabrikazio- eta etiketatze-irizpideak EROSKI markako produktuen hornitzaileekin sinatutako hitzarmenean jasota daude.

Hitzarmen horren bidez, EROSKI markako produktuetan zeharkako gluten- kutsadura eragozteko beharrezko neurri guztiak hartzeko konpromisoa hartu dute hornitzaileek

‘Glutenik gabe’, bermedun zigilua

EROSKI markako “Glutenik gabeko” produktuek zigilu gorria eta galburu zuria dituzte bereizgarri.

EROSKI markako “Glutenik gabeko” produktuek zigilu bereizgarria eraman ohi dute ontzikian, kontsumitzaileek produktu espezifikoa dela jakin dezaten.

Zigilua gorria da eta galburu zuri baten ingerada du marraztua. Horrela, produktuaren eta glutenik ezaren arteko erlazioa lehenengo begiradan ikus dezake kontsumitzaileak.

Bestalde, kontsumitzaile guztiek EROSKI markako “Glutenik gabeko” produktuen zerrenda eskura dezaten, zerrenda hori www.eroski.es.web gunean dago eskuragarri.

FACEren zerrenda horian ere sartuta gaude EROSKI markako “Glutenik gabeko” produktuak.

Erosketasaskia % 20 merkeagoa

Zeliakoentzat egindako EROSKI markako produktuak beste marka batzuetako pareko produktuak baino % 20 merkeagoak dira eta 3 x 2 eskaintzetan barne hartuta daude.

Kontsumitzaile zeliakoen kexa nagusietako bat euren elikagaien prezio garestia izaten da. Izan ere, haien erosketa-saskia hilean 100 euro garestiagoa izan liteke jasanezintasun hori nozitzen ez dutenena baino.

EROSKI markako “Glutenik gabeko” produktu sorta, berriz, eguneroko oinarrizko saskiko produktuetan oinarrituta dago, nahiz eta `gourmet´ motako produktuak ere egon. Sorta hori are zabalagoa izango de zenbat eta handiagoa izan denda.

Nolanahi ere, kalitatearen eta prezioaren arteko erlazio ezin hobea dute produktu horiek. Horri esker, fabrikatzailemarkako pareko produktuen aldean, % 20ko aurrezkia eragiten diote erosleari. Horrez gain, sarritan sustapenetan sartu ohi dira produktu horiek, hala nola 3 x 2 eskaintzetan.

EROSKIn lanean ari gara aldi berean hainbat produktu motatan, haien sorta kantitatean eta aniztasunean handitzeko xedez. Hala, EROSKI markako “Glutenik gabeko” elikagaien zerrendak ia 100 elikagai fresko, urdaitegiko 80 produktu, 75 elikagai gazi (fruitu lehorrak eta ozpinetako batzuk), 37 esneki eta 10 plater prestatu baino gehiago barne hartzen ditu jadanik.

Eritasun zeliatikoa antzematea

Eritasun zeliakoaren sintomak 12 eta 18 hilabete bitarteko adinean azaldu ohi dira normalean. Beherakoak, pisua hartzeko atzerapena, pisu-galera eta sabel puztua izaten dira sintoma nagusiak.

Sintoma horiekin batera, jangurarik ez, gorakoak, izaera-aldaketak, sabeleko minak eta anemia ere ager daitezke.

Eritasun zeliakoaren sintomatologiak zerikusi zuzena du gaixotasuna azaltzeko adinarekin. Hala, gazteenen artean ohiko sintoma digestiboak izaten dira.

Hala ere, adinak aurrera egin ahala, adierazpen digestiboak bigarren mailara pasatzen edo desagertzen dira. Hortaz, zailagoa da gaitza antzematea.

Glutenak heste-mukosan eragiten duen kaltearen ondorioa da eritasun zeliakoa. Hesteetako biloen atrofia eragiten du eta, ondorioz, mantenugaiak (bitaminak, mineralak, proteinak, karbono-hidratoak eta lipidoak) xurgatzeko azala murriztu egiten da.

Zeliakoentzako menu egokia

Glutenik gabeko elikadura egiteko berariazko 1.000 errezeta baino gehiago dituzu eskura www.consumer.es web gunean.

Kontuan hartu beharreko glutenik gabeko produktuak

Zeliakoen erosketa-zerrendak 250 elikagai baino gehiago barne har ditzake, hain zuzen EROSKIren “Glutenik gabeko dietaren alde” programako elikagai sorta osatzen duten elikagaiak. Horrez gain, badira beste elikagai fresko eta natural batzuk, berez glutenik ez dutenak. Ondoren, dieta orekatua egiteko gure ranking partikularra emango dizugu.