Modu osasungarrian ondo jatearen eta erosketan aurreztearen arteko oreka lor daiteke, gure poltsikoak eraginik izan ez dezan, zenbait aholku jarraituz. Despentsa ondo antolatzeak, menuak planifikatzeak, batch cooking-a praktikatzeak, nutrizio-profil ona duten produktuak aukeratzeak edo dendara joaten garenean zerrendak erabiltzeak erabaki hobeak hartzen lagunduko digu otorduak prestatzerakoan.
Aurten hobeto jatea jarri baduzu helburutzat (eta zure ekonomian xahutzea ekarri gabe), gorde aholku hauek zuretzat eta zure familiarentzat elikadura osasungarriagoa lortzeko.
Ondo hornitutako despentsak eta hozkailuak
Eguneroko zurrunbiloak janaria prestatzeko denbora ken diezaguke. Egoera horietan, ohikoa da oso osasungarriak ez diren konponbide azkar eta lagungarrietan erortzea, hala nola aurrez prestatutako eta ultraprozesatutako platerak. Horregatik, garrantzitsua da hozkailua eta despentsa ondo hornituta izatea, estualditik salba gaitzaketen eta, gainera, nutrizio-ezaugarri interesgarriak dituzten elikagaiekin.
Ideia batzuk emango dizkizugu despentsa jaki osasungarriekin prest edukitzeko, 30 minutu baino gutxiagoan bazkariak eta afariak prestatzeko. Gorde itzazu!
- Izozkailuan: barazki poltsa izoztuak dira afari azkar eta osasungarriak prestatzeko aukerarik onena, hala nola barazki menestra bat, babarrunak kinoarekin, ilar-salteatua, zainzuri-krema, brokoli-krema, aza-woka…
Eta ez ahaztu arraina. Legatza eta bakailaoa, medailoietan, trontzoetan, xerratan… Prestatu plater oso eta osasungarriak, hala nola legatz hau kuiatxo muselinarekin edo bakailaoa plantxan gari-zainzuriekin.
- Despentsan: eduki beti eskura prozesatu onak, hala nola arrain-, itsaski- eta barazki-kontserbak, egositako lekale eta ozpinetako poteak. Prestatzeko ideia errazak? Hegaluze eta babarrun zurizko entsalada hau, txitxirioak barazkiekin lapikoa, babarrunak orburuak eta muskuiluekin edo dilista curry gozo-gozoa.
Batch cooking-a: janaria egun batean prestatuko dugu
Batch cooking-a astean zehar jango duguna egun batean kozinatzean datza, elaborazio berak plater desberdinak prestatzeko aprobetxatuz.
Baina batch cooking-arekin ez dugu soilik sukaldean ematen dugun denbora optimizatzen, hozkailua janari osasungarriz beteta dagoela ere bermatzen dugu aste osoan zehar, eta gastua kontrolatzen dugu eta janaria alferrik galtzea saihesten dugu. Eta ano gehiegi prestatu badituzu, ez ahaztu izozteko aukera duzula!
Batch Cooking-ean hasi nahi duzu? Jarraitu gure 6 urratseko gida.
Etxetik kanpo, aukeratu tuperra edo zakote-ontzia
Etxetik kanpo jateak ez du zertan gastuaren sinonimoa izan, alderantziz. Errezeta osasuntsu eta goxoak dituzu plater bakar gisa eramateko.
Nola sortu ez badakizu, plater osoa jarrai dezakezu: aukeratu 2/4 barazki zati, 1/4 osoko zerealak (arroza, pasta, kinoa…) eta 1/4 proteina osasungarria (arrautza, arraina, lekaleak, haragi iharra…). Eta gogoratu frutarekin eta edateko urarekin laguntzea.
Erosketa-zerrendak eta astebeteko menuak
Plangintza eta antolaketa beti izango dira zure aliaturik onenak. Hasteko, supermerkatura joan erosketa-zerrenda batekin, behar duzun guztiarekin. Errazago egiteko, EROSKI appean zure ohiko erosketa osatzen duten produktuekin zerrendak sortzeko aukera duzu. Gainera, preziorik oneneko produktuak aukeratuz, oinarrizko saskiko 800 produkturen artean aurreztea lortuko duzu.
Eta otorduak errazago antolatzeko, astebeteko menu hauek erabil ditzakezu gosaria, bazkaria, askaria eta afaria egiteko ideiekin:
Aprobetxamendu-errezetak
Betiko teknika honek elikagaiak alferrik galtzea saihesten eta plater berri gozoak inprobisatzen laguntzen digu.
Aprobetxamendu-errezeta klasikoak? Kroketak, kremak eta barazki-pureak, gazpatxoa, fruta-konpotak… Baina badira beste originalagoak ere, hala nola brokoli tots hauek edo erremolatxa eta ziazerba kitxe hauek.
Eta aurreko eguneko ogirako, ogi-budina egiteko errezeta gozo hau proposatzen dizugu:
Eta gogoratu EROSKIn zure eguneroko saskiko 800 produktu baino gehiago dituzula preziorik onenean. Aurki itzazu adierazita zure ohiko dendan eta online superrean.
#PilatuAurrezkiaEROSKIn
