Bakailaoa Portugalgo erara
- 0 View bisita
- Zailtasuna
- Zailtasun
- Denbora
- kcal
- 292 18%
- Azukreak
- 1,7g 2%
- Koipeak
- 9g 12%
- Koipeak saturatuak
- 1,4g 7%
- Gatza
- 2g 39%
Prestaketa
Patata handi bat zuritu eta xerra finetan moztuko dugu. Tipula bat ere zuritu, eta xerra finetan moztuko dugu. Zartagin batean oliba-olio pixka batekin eta gatzarekin jarri, estali eta su motelean egiten utziko ditugu. Eginda daudenean xukatu egingo ditugu.
Labeko erretilu batean patata melatuaren oinarria, tipula, bakailao-solomo gezatuak, baso bat ardo zuri, oliba beltzak eta perrexil xehatua jarri, labean sartu eta 200 ºC-tan edukiko dugu 10 minutuz, bakailaoa, tipula, patatak eta oliba beltzak egiten diren arte.
Labetik atera bezain laster zerbitzatuko dugu, bakailaoari patata- eta tipula-oinarriarekin eta erretzean ateratako zukuekin lagunduta. Perrexil xehatua hautseztatuz eta oliba beltz erreekin apainduz aurkeztuko dugu.
Bakailaoa arrain zuria da. Iodo asko du eta koipe gutxi. Bere nutrizio-osaerari dagokionez, proteinak, potasioa, magnesioa, sodioa, fosforoa eta A, B3, B7, B9, B12, C, D eta E bitaminak ditu. Patatarekin eta tipularekin prestatuta, lehenak karbohidratoak, zuntza, potasioa, iodoa, magnesioa eta B3, B9, C eta K bitaminak gehitzen ditu eta tipulak, berriz, zuntza, potasioa, magnesioa, iodoa, sodioa, fosforoa eta A, B7, B9, C eta K bitaminak. Oliba beltzek, bestalde, burdina, proteinak, kaltzioa, zuntza, potasioa, iodoa, magnesioa eta A, B3, B9, C, E eta K bitaminak dituzte. Errezeta osasungarria eta orekatua da, baina kontuan izan behar da dezente gatz duela, batez ere hipertentsioa edo likidoen erretentzioa duten kontsumitzaileek.
Osagaiak (4 pertsonak)
- 600 g bakailao-solomo gezatu
- 200 g patata
- 150 g tipula
- 50 ml ardo zuri
- 35 ml oliba-olio
- 30 g oliba beltz
- Gatz pixka bat
- Perrexil hosto batzuk
sReceta online en:
