Entsalada mistoa
- 0 View bisita
- Zailtasuna
- Zailtasun
- Denbora
- kcal
- 232 12%
- Azukreak
- 3,7g 4%
- Koipeak
- 20g 29%
- Koipeak saturatuak
- 4g 18%
- Gatza
- 1g 12%
Prestaketa
Barazkiak garbitu, urazari hostoak kendu, eta entsaladako tomatea zurituko dugu.
Arrautzak 12 minutuz egosiko ditugu ur irakinetan ozpin eta gatz pixka batekin.
Arrautzak egosita daudenean, txorrotako ur hotzetan hoztu, zuritu eta xerratan moztuko ditugu.
Entsalada-ontzi batean eskuz zatitutako uraza-hostoak jarriko ditugu, eta horien gainean entsaladako tomatea, zurituta eta zatituta. Artaleak eta oliba batzuk han eta hemen jarri, eta erdibitutako Cherry tomate batzuekin apainduko dugu.
Azkenik, arrautza egosiaren xerrak jarriko ditugu.
Entsalada zerbitzatzeko unean gozatuko dugu, oliba-olioa, gatza eta sagar-ozpina edo limoi-zukua nahasi eta irabiatuta egindako olio-ozpinarekin.
Gozatu bezain laster zerbitzatuko dugu.
Errezeta honekin propietate onuragarriz betetako platera ateratzen da: barazkien zuntza, bitaminak, mineralak eta fitokimikoak, arrautzaren kalitate handiko proteinak eta bihotzerako osasungarriak diren oliben eta gozatzeko erabilitako oliba-olioaren gantzak. Gainera, barazkiak gordinik jaten direnez, bere propietate guztiak mantentzen dira. Entsaladek askotariko osagaiak onartzen dituzte eta egunero jatea gomendatzen da. Gogoan izan egunean gomendatzen diren bi barazki-anoetako batek gordinik jatekoa izan behar duela.
Osagaiak (4 pertsonak)
- 200 g uraza
- Tomate bat
- 100 g kontserbako arto
- 12 oliba berde
- 2 arrautza
- 100 g Cherry tomate (10 tomate)
- 60 ml oliba-olio
- 20 ml ozpin
- Gatz pixka bat
sReceta online en:
