Entsalada berdea gulekin eta baratxuri kurruskariekin

Zuritu baratxuriak, moztu luzetara xerra finetan eta frijitu oliba-oliotan, pixka bat horitu eta kurruskariak geratu arte. Paper xurgatzailean utzi, olioa askatzeko. Berotu gulak zartaginean. Gorde. Ireki mahatsak erditik, eta kendu haziak. Salteatu pinaziak zartaginean, arinki txigortu eta zaporea aregotu arte. Osatu platera eskarola eta errukularekin eta gainontzeko osagaiekin. Erdian, jarri mozzarella eta gulak. Zerbitzatu.