Meloi-gazpatxoa urdaiazpiko kurruskariarekin

Meloi-gazpatxorako: 1.-Kendu pipitak meloiari. 2.-Zatitu muturrak: 1, hura txikitzean oinarri laua lor dezagun; 2, bolak ateratzekoarekin bolak batzuk atera eta geroago apaintzeko gordetzeko. Nahi izanez gero, meloia kubotan txiki daiteke, geroago broxetatan sartzeko edo gazpatxoa zerbitzatzean gehitzeko. 3.-Labana batekin, moztu xerratan gainerako meloia. Ondoren, txikitu. 4.-Zuritu, garbitu eta txikitu barazkiak zati handitan. 5.-Irabiatu meloia barazkiekin batera: baratxuria, tipula, piper berdea eta luzokerra (aukerakoa). Gehitu oliba-olio birjina estra, gatza eta nahi beste ozpin. 6.-Sartu hozkailuan 4-5 orduz gutxienez Urdaiazpiko kurruskarirako:  7.-Erretilu batean, laberako paper baten gainean, jarri urdaiazpiko xerrak. Erre labean 200 ºC-tan 7-10 minutu bitartean, goitik eta behetik, labea aurrez berotu ondoren. 8.- Utzi hozten sareta baten gainean. Platerean jarri: 9.- Moztu barazkiak fin-fin gazpatxoari laguntzeko goarnizio gisa: piper berdea, tipula, luzokerra (aukerakoa), eta apurtu eskuz urdaiazpikoa zati txikiekin. Gorde zati handiren bat, kaikuan zutik ipintzeko apaingarri gisa. 10.-Kaiku batean, bota gazpatxo hotza, eta bota gainetik fin moztutako barazkiak. Bota ere urdaiazpiko kurruskaria eta zati handiren bat. Hartu 1 edo 2 broxeta, eta sartu mendafin hosto batzuk eta 1 edo 2 meloi-bola. Ipini kaiku batean, zutik edo etzanean. Apaintzen amaitzeko, oliba-olio birjina estra tanta batzuk gehitu.