Buru-aza morea sagarrarekin eta mahaspasekin
- 0 View bisita
- Zailtasuna
- Zailtasun txikia
- Denbora
- 30 minutu baino gutxiago
- kcal
- 370 19%
- Azukreak
- 44g 49%
- Koipeak
- 16g 22%
- Koipeak saturatuak
- 3g 13%
- Gatza
- 0,4g 7%
Prestaketa
Sagarrak zuritu eta zati erregularretan zatituko ditugu.
Azukrez, gatz pixka batez eta ardo zuriz hautseztatuko ditugu sagarrak, eta mikrouhin-labean sartu eta 8 minutuz edukiko ditugu potentzia handienean. Sagarrak erre eta gorde egingo ditugu.
Buru-aza morea zerrenda finetan moztu eta platerean jarriko dugu sagar errearekin eta mahaspasekin batera.
Ozpin-olioa prestatuko dugu olioarekin, ozpinarekin, gatzarekin eta curryarekin.
Gogor irabiatuko dugu nahastea ozpin-olioa loditu arte. Saltsa horrekin entsalada gozatuko dugu.
Aza gorria edo buru-aza morea azaren familiako barazkia da. Antozianina edo konposatu antioxidatzaileek ematen dioten kolore gorri edo morea du ezaugarri nagusia. Kaloria gutxi ematen ditu karbohidrato gutxi dituelako, eta zuntz eta eragin antioxidatzaileko bitamina ugari ditu. Zapore gozo samarra duenez, ondo konbinatzen du sagarrarekin eta mahaspasekin. Mahaspasek, batik bat, karbohidrato konplexuak dituzte, eta koipe-eduki txikia, gainerako fruitu lehorrek ez bezala. Adin guztietarako errezeta egokia da, baina ez zaie komeni digestio-alterazioak eta haize-minak izaten dituztenei, aza gorria janari haizetsua delako.
Osagaiak (4 pertsonak)
- 1 kg buru-aza morea
- 3 sagar
- 100 ml ardo zuri
- 10 g azukre
- 150 g mahaspasa
- 6 koilarakada oliba-olio
- 2 koilarakada ozpin
- Currya
- Gatz pixka bat
sReceta online en:
