Udare crumblea

Frutazko oinarria egiteko: 1.-Prestatu fruta: garbitu, zuritu eta zatitu udareak 1 eta 2 cm arteko lodiera duten zatitan. 2.-Laberako balio duen ontzi batean, jarri udareak eta fruitu gorriak oinarrian, eta zipriztindu limoi erdiren zukuarekin. Nahastu eta gehitu kanela, banilla eta eztia. Nahastu berriz guztia ongi. Utzi pausatzen, giroko tenperaturan, crumblea prestatu bitartean. Crumblea egiteko: 3.-Kendu hezurra datilei haietako bakoitzaren erdian ebaki bat eginez hezurra ateratzeko. 4.-Laban batekin, txikitu datilak ia-ia ore bat lortu arte. 5.-Bol batean, nahasi oloa, hezurrik gabeko datilen orea, arbendol-esnea, arbendol birrindua, kanela, kardamomo birrindua eta koko-olioa. 6.-Eragin osagai guztiak ongi nahastuta egon arte. Oretsu geratu bada, ur pixka bat gehitu daiteke nahastea arintzeko. 7.-Zabaldu crumblea lehen pausatzen utzi dugun fruta-oinarriaren gainetik. 8.-Egin 180 ºC-tara aurrez berotutako labean, beroa goitik eta behetik emanez, laberako paperarekin estalita gutxi gora behera 40 minutuz; ondoren, kendu estalkia, igo tenperatura 200 ºC-tara eta utzi 10 minutu gehiago labean, edo apur bat doratu arte. 9.-Unean bertan zerbitzatu bero edo epel jateko. Mendafin-hosto batzuekin apaindu daiteke.