2013an, Industria Ministerioak abeltzainekin akordioa sinatu zuen, haien jarduera eta produktu espainiarra babesteko, esne inportatuaren mehatxuaren aurrean. Banaketa-sareak eta marka handiek ere akordioa babestu zuten. PLS zigiluarekin aurkeztu zen, amaierako kontsumitzaileak kontzientzia hartu eta erosketa arduratsua egin dezan sustatzeko helburuz. 2015eko irailean, akordio bat sinatu zen esnearen gutxieneko prezioa bermatzeko eta espainiar jatorriko esnearen kontsumoa areagotzeko. EROSKin, akordioa babesten dugu, eta hori balioan jartzeko laguntza-plan bat jarriko dugu martxan.
Bidezko prezioa jartzeko konpromisoa hartu dugu.
Esnea sustapen-erakargarri bezala ez erabiltzeko konpromisoa hartu dugu, eta bete egiten dugu. Gure merkataritza-politikari egonkortasuna emateko konpromisoa ere hartu dugu, esne-ekoizpenarekin sintonian. 2015eko apiriletik, gure ontziei PLS zigilua jartzen diegu, gure esnearen jatorri iraunkorra bermatzeko.
Esne-sektorearen iraunkortasunarekin engaiatuta gaude.
Esne-ekoizleekin lanean jarraitzen dugu, epe luzerako lankidetza batean, eta esne nazionala babesten dugu, argi eta garbi.
Esne-ekoizpena babestea
Gure linealetan jatorri nazionaleko esnea edukita, horren kontsumoa babesten dugu. Gainera, zona bakoitzeko ekintza zehatzen bitartez, eskualdeko esne-kontsumoa babesten dugu. Eta ildo horretatik egiten dugu aurrera merkataritzaren alorrean, EROSKI PLUS produktuek bertako jatorria izan dezaten lan eginez.
Esne-sektorearen etorkizuna elkarrekin eraikitzen dugu.
Berrikuntza eta esne bereziak bultzatzen ditugu, dendako guneen bidez. Gainera, zenbait ekintza martxan jartzen ditugu, iritzi-artikuluak garatzea eta kategoria balioan jartzea, komunikazio aktiboko eta euri arineko 360 graduko programa bat garatzea, kasu. Halaber, proiektu bat sustatzen dugu balio-kateko eragile nagusiekin. Gainera, 2015eko urritik, gure denda-sare osoak linealetan banderatxo batzuk ditu MAPAMA-rekin dugun akordioa laburbiltzen duen 4 mezu gakoekin.
Gure liburuxkei buruzko ekintzak
Gure liburuxketan, hainbat ekintza burutu ditugu esne-sektoreari babes gehiago emateko; esaterako, orrialdeetan esneari buruzko goiburuak jartzea, esne-sektorearekin dugun konpromisoa erakusteko.
