Arkume errea, patata eta onddo parmentierrekin

Besoari gatza eta piperra bota eta laberako erretilu batean jarriko dugu ardo zuriarekin eta erromeroarekin. Bi ordu eta erdiz zilarrezko paperarekin tapatuta egingo dugu, haragia leun egin dadin, eta ordu erdi paperik gabe egingo dugu 180 gradutan, erre-kolore hori lortzeko eta azala kurruskari geratzeko. Patatak egosi eta purea egingo dugu purea-egitekoarekin, oliba-olio apur bat eta gatza gehituko ditugu eta ongi mugituko dugu testura leun eta fina lortu arte. Onddoak salteatuko ditugu txikitutako baratxuriarekin. Platerera pure koilarakada bat botako dugu eta zabaldu egingo dugu; ondoren, onddoak gehituko ditugu eta, azkenik, arkumea jarriko dugu gainean.