Arkume saihetsa pistatxoekin

Arkume saihetsa garbitu, ongi lehortu, limoi zukua bota eta gatza eta piperbeltza ere bai. Baratxuri aleak zuritu eta txikitu belar usaintsuekin batera; belarrak aurrez garbitu eta lehortu behar dira. 100 ml oliba-olio bota eta ongi nahasi. Saihetsa nahasketa horrekin igurtzi eta ordubetez beratzen utzi. Batata eta azenario purea egiteko, porrua garbitu, azenarioa arraspatu eta batata zuritu. Barazkiak zatitxotan txikitu. Porrua ontzi batean jarri olio pixka batekin eta 5 minutuz erregosi. Batata eta azenarioak bota, utzi minutu batez eta urez estali. Bota gatza. 20 minutuz irakiten eduki. Irabiatzeko ontzi batera bota oliba-olioarekin batera eta txanotik pasa pure fina lortzeko. Arrautzaren zuringoa erabat harrotu eta gorde. Saihetsa laberako erretilu batean jarri, berotu labea 200ºC eta 30 minutuz han sartu. Atera, epeltzen utzi eta saihetsak banaka ebaki. Pistatxoak erretilu batean jarri, pasa saihetsak harrotutako zuringotik eta ondoren pistatxoetan pasa. Mahaira atera batata eta azenario purearekin batera.