Babarrun pikartak barazki espeziatuekin

Aurreko gauean babarrunak ur hotzetan beratzen ipini. Hurrengo egunean, lapiko batean jarri koilarakada bat oliba-olio birjina estra eta bi baratxuri-ale (azalarekin), utzi frijitzen pixka batean, xukatu babarrunak, gehitu lapikora eta ur hotzarekin estali. Utzi egosten 2 orduz, 2 ordu eta erdiz eta irakiten hasten denean bota babarrunei ur hotza hiru aldiz. Babarrunak eginda daudenean, xamur daudenean, bereizi alde batetik babarrunak eta bestetik salda. Gorde. Lapiko batean jarri bi koilarakada oliba-olio birjina estra eta frijitu 5 minutuz brunoisse erara txikitutako tipulatxoa, beste baratxuri-ale bat, azenarioa xaflatan eta piper berdea dadoetan; gero gehitu tomate birrindua eta espeziak eta utzi egiten beste 5 minutuz. Gehitu babarrunak eta egostean sortutako saldaren edalontzi bat eta utzi egiten beste 5-10 minutuz su motelean estalkiarekin, zaporeak elkartu daitezen. Txikitutako martorriarekin eta perrexilarekin hautseztatu eta zerbitzatu.