Baserriko oilasko-izterrak onddoekin eta kakaoarekin

Kenduko diegu koipe soberakina izterrei, gazituko ditugu pixka bat, irineztatuko ditugu eta gorrituko ditugu kazola batean oliba-olio pixka batekin. Piezei birak ematen joango gara, azal guztia gorritzeko, kenduko ditugu kazolatik eta kazola horretan bertan prestatuko dugu olio errea. Oilaskoa gorritu dugun kazolara botako ditugu xaflatan ebakitako baratxuria eta tipula, kolorea hartzen duenean tomatea erantsiko diogu eta utziko dugu egiten joan dadin. Kolorea aldatu dela ikusten dugunean, oilasko gorritua jarriko diogu, basoerdi bat cognac, nahastuko dugu pixka bat, isuriko dugu oilasko-salda, beheratuko dugu sua, estaliko dugu eta egosiko dugu ordu betez, oilaskoa eginda egon arte. Beste alde batetik pikatua prestatuko dugu. Arin frijituko ditugu zartagin batean baratxuri atalkatuak eta gorritutakoan aterako ditugu. Ogi-xerra batzuk egingo ditugu eta olio horretan bertan frijituko ditugu. Irabiagailuaren ontzian jarriko ditugu hur xigortuak, arbendol xigortuak, perrexila, baratxuri gorrituak, ogi frijitua, txokolatea eta salda pixka bat, txikituko dugu irabiagailuarekin eta gordeko dugu. Oilaskoa ia egina dagoenean, pikatu hau gehituko diogu kazolara, nahastuko dugu, saltsa batera dadin oilasko gisatuarekin. Azkenik, ikusten dugunean gisatuari 5 minutu besterik ez zaiola geratzen itzaltzeko, onddo salteatu batzuk gehituko dizkiogu oliba-olio ukitu batekin, gehituko diogu gisatuari eta irakintxo bat izan dezala. Aterako dugu kazola sutatik, pausa dadin, estalita, ahotik ezin utzizko gisatu hau (hobea geratzen da egun batetik bestera utziz gero).