Cheesecake txikiak kiwiarekin

Laberik gabeko betiko gazta-tarta, ukitu desberdin batekin, sasoiko fruta nagusi bat aprobetxatuz: kiwia. Oinarrirako: birrindu almendrak eta aurrez hidratatutako datilak, eta gorde. Cheesecake egiteko: hidratatu gelatina-orriak ur hotzetan. Hidratatzen diren bitartean, berotu 100 g esne-gain ontzi batean, irakin arte. Irakiten hasten denean, itzali sua, bota gelatina-orriak eta urtu. Ontzi batean botoa eta nahastu gazta krematsua, geratzen den esne-gaina eta eztia, nahaste homogeneo bat lortu arte. Labeko paperarekin estalitako metalezko 4 uztaitan, muntatu tartak oinarrian fruitu lehorrak jarrieta, eta ondoren, cheesecake betegarria. Utzi hozten, gutxienez ordubetez edo gainazala behar adina gelifikatu arte. Kiwi-estaldura egiteko: hidratatu gelatina-orriak, eta zuritu, moztu eta birrindu kiwiak. Berotu 60 °C-tara su ertainean (2-3 minutuz termometrorik ez badaukazu) eta disolbatu gelatina-orriak sua itzalita dagoela. Bota gazta-geruzen gainetik eta utzi hozten hozkailuan gutxienez beste ordubetez. Atera moldetik kontuz, eta zerbitzatu. Egokia da dieta laktobegetarianoetarako.