Eroski

Orburuen hasierakoa

Name: Orburuen hasierakoa
Total time: 25 min
Yield: 4
Ingredients: 4 orburu; 60 ml oliba-olio; Baratxuri-ale bat; 40 ml limoi-zuku; Ezamihilua; Menda; Gatz pixka bat; Piperbeltz zuria

0 View visita

Zailtasuna: Zailtasun
Denbora

Descargar

kcal: 153 8%

Azukreak: 2,9g 3%

Koipeak: 15g 22%

Koipeak saturatuak: 3g 13%

Gatza: 0,4g 7%

1/5 izar. 1 baloraziotan oinarrituta

Prestaketa

Orburuak osorik egosiko ditugu limoi-tanta batzuk botatako uretan. Hosto gogorrenak kenduko dizkiogu orburuaren bihotzeraino iristeko, eta bihotzari barruko ilea kenduko diogu. Orburu-bihotzak zerrenda finetan moztuko ditugu, eta baita hosto samurrenen alde biguna ere. Olioa, gatza, piperbeltza, limoi-zukua, ezamihilua eta menda nahasiko ditugu. Orburu-zerrendak azpil batean jarriko ditugu. Ongarria gainetik bota, eta hasierako indargarri gisa zerbitzatuko dugu.

Nutrizio-aholkua

Orburuak osasunerako oso onuragarriak diren osagaiak ditu, barazki guztiek bezala. Kasu honetan, ordea, inulinaren presentzia nabarmentzen da. Inulina karbohidrato konplexua da eta, xurgapen motelekoa denez, gomendagarria da diabetes-kasuetan odoleko azukre-maila ez duelako bizkor igotzen. Zuntz asko du, eta horrek ere laguntzen du odoleko glukosa eta kolesterol-maila erregulatzen. Aldi berean, idorreriaren aurka babesten du. Mineral-iturri ona da, fosforoa, burdina, magnesioa, kaltzioa eta potasioa baititu; B1 eta B3 bitaminak ditu, eta efektu antioxidatzaile handiko C bitamina. C bitamina asko murrizten da beroaren eraginpean jartzen denean. Orburuak kaloria oso gutxi ditu. Errezeta honetan pixka bat handitzen da kaloria-kopurua oliba-olioa gehitzen zaiolako. Kaloria horiek, ordea, bihotzerako osasungarriak diren gantzek ematen dituzte. Hain zuzen ere, egunero hainbat olio-anoa hartzea gomendatzen da.