Hostopilak eta sagar errea sagardo-kremarekin

Zatitu hostorea disko edo karratu forman, jarri labeko erretiluan laberako paperaren gainean, eta erre labean 200 ºC-tara, gainetik eta azpitik berotuz, hostorea gorritu eta puztu arte. Sagardo-krema prestatzeko, nahastu arto-irina, sagar-zukua, sagardo apur bat, azukrea eta eman irakinaldi bat, kontrolpean betiere. Ondoren, bota hiru gorringoak, irabiatu guztia krema loditzen amaitu arte, su ertainean, eta saltsa lodi dagoenean sartu hozkailuan. Zuritu eta zatitu sagarrak, salteatu zartagin itsasgaitz batean oliba-olio eta azukre apur batekin, karameluz estaltzen eta apur bat konpotatzen diren arte, desglasatu sagar-salteatua sagardoarekin, eta utzi hozten. Pastelgintzako mahukan prestatu laktosarik gabeko sagardo-krema, bete hostopilak salteatuarekin eta kremarekin eta, amaitzeko, hautseztatu gainetik azukre-hautsa