Kalabazin-paketetxoak tomate lehorren pestoarekin

Garbitu kalabazina, puntak kendu eta mandolina baten laguntzarekin ebaki xafla finetan. Luzatu lanerako erabiliko duzun azaleran eta gainjarri gurutze forman gera daitezen. Pestoa egiteko, utzi tomate lehorrak uretan gutxienez 4 orduz . Denbora hori igarotzean, xukatu, ongi lehortu eta kokatu irabiagailu ontzi batean zuritutako baratxuri atalarekin, pinaziekin, oliba-olioarekin eta gatz pixka batekin. Birrindu nahaste uniformea lortu arte. Kokatu kalabazin bakoitzaren erdigunean tomate lehorren pesto koilarakada bat eta itxi kalabazinak pakete bat sortuz. Banatu letxuga-hostoak plateretan, kokatu haien gainean kalabazin-paketetxoak eta nahi bezala gatzozpindu.