Kuiazko parmentierra

Kuiazko parmentierra egiteko, kuia eta patatak zuritu eta zatitan moztuko ditugu. Ondoren, kazola batean urez estaliko ditugu, hatz bat gainetik. Geroago, koilarakada bat olio eta gatza gehituko ditugu, eta 20 eta 30 minutu bitartean su ertainean egosiko ditugu. Bestaldetik, esnea eta gurina berotuko dugu, eta gurina desegiten denean sutik kenduko dugu kazola. Kuia eta patatak xukatu eta puregailutik pasatuko ditugu. Ondoren, esnearekin eta gurinarekin nahastuko ditugu kuiaren pulpa eta patata. Espatula batekin nahastuko ditugu, nahi dugun loditasuneko krema lortu arte. Gatza gehitu eta epel gordeko dugu. Onddoak lehendik salteatutako tipula eta baratxuriekin salteatuko ditugu, zartagin beroan pare bat buelta emanez, eta gatz-puntua emango diogu. Arrautza-gorringoak gatzunetan eduki ditugu: gatza eta azukrea %50ean, eta 3 orduz hozkailuan. Kontuz aterako ditugu, ur jo bat emango diegu eta onddo-aromadun olioan epelduko ditugu. Katiluen oinarrian onddo-salteatuen koilarakada bat ipiniko dugu, ondoren kuiazko parmentier beroa eta azkenik, arrautza-gorringo epela. Horren guztiaren gainean, urdaiazpiko deshidratatu apur batekin hautseztatuko dugu. Bero zerbitzatuko dugu.