Mallorcako zopa

Moztu barazkiak zati ertainetan zure gustura. Frijitu barazkiak arinki zartagin batean olio apur batekin. Ondu. Erantsi orburuak lehenengo, azalorea gero, eta ondu. Sueztitu dena hainbat minutuz. Erantsi tomate arraspatua eta arin frijitu. Orduan, gehitu ziazerbak eta aza. Sueztitu eta ondu tamaina murrizten dutela ikusi arte. Erantsi ura eta utzi egosten 15-20 minutuz. Bota zati handitan moztutako perrexila, eragin eta zerbitzatu buztinezko ontzi batean: jarri ogi-xerrak eta horien gainean, barazkiak, ogia busti eta bigundu dadin. Apaindu piparrekin eta ozpinetan ondutako azalorearekin. On egin!