Masailak ardo beltzean

1.-Kendu masailen eremu zuriak laban batekin haragiaren arrasetik, edo eskatu harakinari garbi dezala, haragia koiperik gabe uzteko. 2.-Bi aldeetatik gatzez eta piperrez ondu. 3.- Garbitu, zuritu eta zatitu barazkiak: baratxuriak, tipulak, porruak eta azenarioak. Kendu txortena tomateari eta ebaki erditik. Zati handitan ebaki daiteke, gero birrindu egingo direlako. 4.-Bota oliba-olio birjina estra eltzera, salteatu masailak su ertain-bizian eta kanpotik gorritu direnean, atera sutik eta gorde. 5.-Olio berean, erregosi barazkiak norberak nahi duen gatz kantitatearekin, kanpotik txigortu arte. Apur bat geroago, gehitu tomatea. 6.-Gehitu masailak, ezkai-adartxo batzuk eta bi erramu-hostoak. Estali ardo beltzaz eta urez. 7.-Egosi eltze lasterrean ordubetez gutxi gorabehera, lurrun-balbula irten denetik hasita zenbatzen. Kazola batean egiten bada, gutxi gorabehera bizpahiru ordu beharko dira samur geratu arte. 8.-Eltzearen lurrun-balbula jaitsi denean, ireki eta atera ezkaia, erramua eta masailak. Irabiatu barazkiak, gehitu gatza beharrezkoa bada, eta loditu saltsa beste 30 minutuz, tapa jarrita. Loditzen amaitu denean saltsa iragazi egin daiteke. 9.-Bitartean, prestatu garnizioa. Patata-purea egiteko: egosi 3 patatak, zatituta, gutxi gora behera 25 minutuz edo barrutik samur egon arte. Irabiatu krema egin arte, egosteko erabilitako ur apur bat, gatza, piperbeltza eta oliba-olio birjina estra nahierara botata. 10.-Kuia-purea egiteko: egosi kuia zatitua mikrouhin-labean, horretarako egokia den ontzi batean, gatz apur batekin eta oliba-olio birjina estrarekin, gutxi gorabehera 5 minutuz gehieneko potentzian. Laberako paperez edo film gardenez estal daiteke, aireari ateratzen uzteko ebaki batzuk egin ondoren. Ondoren, sardexka batekin egin daiteke purea, irabiagailurik behar gabe. Sartu pastelgintzako mahuka batean edo ontzi batean, eta gorde gerorako 11.-Salteatu gari-zainzuriak zartagin batean su ertain-bizian eta oliba-olio birjina estrarekin. Atera sutik eta gazitu. 12.-Oinarrian patata-purea jarri, masailak izpitu, eta platereratzeko uztail batekin presioa egin eta purearen gainera aterako dugu moldetik. Gehitu masailen saltsa loditua, eta bota gainean kuia-pure apur bat eta kale ernamuinduak apaintzeko. Zerbitzatu gari-zainzuriekin batera.