Meloi-entsalada urdaiazpikoarekin
- 6919 bisita
- Zailtasuna
- Zailtasun
- Denbora
Prestaketa
Egosi kinoa eta gorde geroko.
Galia meloia erditik ireki, hustu eta bi erdiak gorde.
Bi meloien mamiarekin, sakabola baten laguntzaz, bolatxoak egin.
Mendafin eta albaka ozpina prestatu, osagaiak nahastuz eta belarrak birrinduz.
Nahastu meloi bolatxoak, kinoa eta mozzarella ozpinaren erdiarekin.
Muntatu entsalada ardi-mihiak oinarritzat erabiliz eta meloi, kinoa eta mozzarella nahasketa gainetik jarriz, gehitu urdaiazpikoa eta busti gainerako ozpinarekin.
Zerbitzatzeko, albaka eta menda hosto batzuk txikitu eta hautseztatu.
Badakigu sasoiko produktuak kontsumitzea oso gomendagarria dela; horregatik, udarako bi meloi mota dituen errezeta hau iradokitzen dugu. Freskagarria, mamitsua, nutritiboa, koloretsua... Nutrizio-propietateak. Meloia, angurriaren atzetik, ur gehien duten fruten artean dago eta, beraz, udan hidratazio egokia mantentzen laguntzen du, uraren beharrak handitzen direnean. Azido folikoa, potasioa eta C bitaminan aberatsa da. Meloi barietate biek beta-karotenoa dute, gorputzak A bitamina bihur dezakeen eta eragin antioxidatzailea duen substantzia, baina kolore hori-laranjaren arduraduna ere bada, beraz, Galiak kantitate handiagoa ematen du.
sReceta online en:
