Mozzarella eta mendafin hostopilak.

Pasta brickaren orriak gainazal garbi batean zabalduko ditugu. Platerak apaintzeko uztai batekin edo gaileta-ebakitzaile txiki batekin nahi dituzun tamainako zirkuluak egin, eta sukaldeko guraizearekin moztu ostean laberako erretilu batean jarritako paper sulfurizatu (labekatzeko papera) baten gainean ipintzen joan. Pasta brickezko zirkulu-multzo bakoitza mikrouhin-labean urtutako gurinarekin margotuko dugu. Dezente botako diogu behealdean daudenetan ondo sar dadin. 180º-ra labekatuko dugu urre kolorea hartzen duten arte. Espatula batekin atera eta katilu batean utziko ditugu, berdin dio elkarren artean nahasten badira ere. Kanapeak aurkeztuko ditugun platerean pasta brickezko 3 edo 4 lamina zirkular jarriko ditugu hostopil kurruskaria osatzeko. Mozzarella xerrak moztuko ditugu eta trinkoenak gorde eta desegiten direnak baztertuko ditugu. Laminak mozteko erabili dugun uztai berdinarekin, xerra bakoitzetik gazta-zirkulu bat aterako dugu. Motak eta aholkuak: Pasta brickaren zirkuluak ondo eutsiko ditugu moztean mugitu ez daitezen. Perfektuki moztuta ez egoteak ez dio axola, labekatzean eta forma hartzean ez direlako akats horiek antzematen. Hostopila osatzeko laminak aukeratu, eta saiatu azkena egonkorra eta leuna izan dadin gazta ondo eutsita geratzeko. Mendafinaren ordez menda, albaka edo oreganoa erabil dezakezu. Gainetik oliba-olio birjina estraren tanta batzuk botata sekulakoa gera daiteke, eta bolatxoak eginez gero, are dotoreago! Pasta brickaren ordezko bat pasta filoa da. Pasta brickarekin edo filoarekin ausartzen ez bazara, zirkuluak ore hautsiarekin egitea proba dezakezu, eta baita pizzarako orearekin ere. Borobilak egitean sobran geratu zaigun mozzarela uretan gorde dezakegu, beste entsalada baterako. Pasta brickezko hostopilen gainean jarriko ditugu. Mendafin-hosto txiki batekin apainduko dugu.